افضاء الطاف کی سالگرہ کی تقاریب کو حق پرست شہداء کے ایصال ثواب اور ملک کی سلامتی کیلئے دعائیہ اجتماعات میں تبدیل کردیا جائے،ایم کیوایم کے ذمہ داران اور کارکنان سے قائد ایم کیوایم الطاف حسین کی اپیل

Posted on: 3/5/2014 1

افضاء الطاف کی سالگرہ کے تحائف غریبوں میں تقسیم کردیئے جائیں
قائد ایم کیوایم الطاف حسین اور ان کی صاحبزادی افضاء الطاف کی اپیل
گزشتہ دس دنوں میں ایم کیوایم کے سینئرکارکن مشتاق احمد سمیت متعدد ساتھی بیدردی سے ٹارگٹ کلنگ کا نشانہ بناکر شہید کیے جاچکے ہیں
ان المناک واقعات کے سبب سالگرہ کی تقاریب کا انعقاد قطعی مناسب نہیں ہے
لندن۔۔۔5، مارچ2014ء
متحدہ قومی موومنٹ کے قائد جناب الطاف حسین نے اپنی اور اپنی صاحبزادی افضاء الطاف کی خواہش کے مطابق رابطہ کمیٹی کے اراکین، ذمہ داران اورکارکنان سے اپیل کی ہے کہ افضاء الطاف کی سالگرہ کی تقریبات کو حق پرست شہداء کے ایصال ثواب اور ملک کی سلامتی وبقاء کیلئے دعائیہ اجتماعات میں تبدیل کردیا جائے ۔ ایک بیان میں جناب الطاف حسین نے کہاکہ گزشتہ دس دنوں میں ایم کیوایم فیڈرل بی ایریا کے سینئر کارکن مشتاق احمد سمیت متعدد ساتھی بیدردی سے ٹارگٹ کلنگ کا نشانہ بناکر شہید کیے جاچکے ہیں چنانچہ ان المناک واقعات کے سبب سالگرہ کی تقاریب کا انعقاد قطعی مناسب نہیں ہے۔ جناب الطاف حسین نے رابطہ کمیٹی کے ارکان، تمام ذمہ داران اورکارکنان پر زور دیا کہ سالگرہ کے تحائف غریبوں میں تقسیم کردیئے جائیں اور ملک بھر میں سالگرہ کی تقاریب کو حق پرست شہداء کے ایصال ثواب ، ملک سے انتہاء پسندی اوردہشت گردی کے خاتمہ، پاکستان کی سلامتی وبقاء اور ترقی وخوشحالی کیلئے دعائیہ اجتماعات میں تبدیل کردیا جائے ۔واضح رہے کہ آج مورخہ 5، مارچ کو جناب الطاف حسین کی صاحبزادی افضاء الطاف کی 12 ویں سالگرہ ہے ۔

8/22/2026 12:28:09 PM

میں ،بانی تحریک انصاف @PTIofficial عمران خان صاحب کے علاج ومعالجے ک... 18 Aug 2026	میررضا شہید کے قاتل سامنے ہیں،قوم کوالو نہ بنایا جائے۔ الطاف حسین ... 18 Aug 2026
بدقسمتی سے پاکستان آزاد نہیں ہے بلکہ کرائے پرچل رہاہے، اس کاخرچہ، امر... 18 Aug 2026	انگریزوں کی سازش اورتحریک پاکستان کی تاریخ ……کیا پاکستان حقیقی طور پ... 17 Aug 2026
عمران خان Absolutely not کہنے کے جرم میں قید ہیں۔ الطاف حسین ... 17 Aug 2026	نظام تبدیل کئے بغیرملک بہتر نہیں ہوسکتا۔ الطاف حسین ... 16 Aug 2026
یہ کیسی آزادی ہے؟ ... 15 Aug 2026	بلوچستان کے علاقے سوراب میں 11 اگست کو بلوچوں پرجیٹ طیاروں سے جوبمبار... 13 Aug 2026
پاکستان میں جھوٹ، مکروفریب، منافقت، چوری چکاری، بے ایمانی،دھوکہ بازی ... 12 Aug 2026	کراچی کو پیپلزپارٹی کے وڈیروں نے اپنی لوٹ ماراورغنڈہ گردی کا اڈہ بنالی... 12 Aug 2026