پاکستان کی بقاء و سلامتی ،عوام کی خوشحالی کیلئے سندھ سمیت ملک بھر میں 20نئے صوبوں کا قیام عمل میں لایا جائے،حاجی عتیق احمد عباسی

راولپنڈی :۔۔16؍ ستمبر 2014

متحدہ قومی موومنٹ کی اپر پنجاب کمیٹی کے صدر حاجی عتیق احمد عباسی نے وزیراعظم پاکستان ، وفاقی حکومت اور تمام پالیسی ساز اداروں سے اپیل کی ہے کہ پاکستان کی بقاء و سلامتی اور محفوظ مستقبل ، بھائی چارے کے فروغ ، بہتر انتظامی نظم و نسق ، بہتر نظام حکومت چلانے ، بے روزگاری کے خاتمے ، عوام کو انصاف دلانے اور امن و امان کی صورتحال پر قابو پانے کیلئے جدید طرز پرانتظامی نظام کا جائزہ لیتے ہوئے جدید نظام کو اپنے ملک میں نافذ کریں ۔ انہوں نے کہا کہ ترقی یافتہ ممالک کی طرح کامیابی ، خوشحالی ، عوام کے مسائل کے حل کیلئے نئے صوبوں کا قیام سندھ سمیت ملک بھر میں انتظامی بنیادوں پر ناگزیر ہے یہ صوبے لسانی بنیادوں پر عمل میں نہ لائے جائیں تاکہ متوسط طبقے کے عوام کے مسائل کا حل انکی دہلیز تک پہنچایا جاسکے ۔ انہوں نے کہا کہ قائد تحریک جناب الطاف حسین نے جو 20نئے صوبوں بنانے کی تجویز دی ہے وہ آج وقت کی اہم ضرورت ہے اور جو معاشی ، سماجی ، ترقی میں حائل مشکلات میں انکا واحد حل نئے صوبوں کا قیام ہے غریب عوام جو کہ وسائل محدود ہونے کی وجہ سے دور دراز کے شہروں تک رسائی حاصل نہیں کرسکتے اور ساری زندگی محرومیوں کی دلدل میں گزاردیتے ہیں اس لئے انکی داد رسی کیلئے اور ملک کی بقاء کیلئے یہ عمل نہایت ضروری ہے ۔