ایم کیوایم نارتھ کراچی سیکٹر کے انچارج سید مقصود حسین اور ایم کیوایم پختون آرگنائزنگ کمیٹی کے جوائنٹ انچارج و سابق ٹاؤن ناظم نیو کراچی اختر حسین کی والدہ محترمہ کے انتقال پر رابطہ کمیٹی کااظہارتعزیت

کراچی ۔۔۔یکم، ستمبر2014ء 

متحدہ قومی موومنٹ کی رابطہ کمیٹی نے ایم کیوایم نارتھ کراچی سیکٹر کے سیکٹر انچارج سید مقصود حسین اور ایم کیوایم پختون آرگنائزنگ کمیٹی کے جوائنٹ انچارج اور سابق ٹاؤن ناظم نیو کراچی اختر حسین کی والدہ محترمہ عظمت النساء کے انتقال پر گہرے دکھ اور افسوس کااظہا رکیا ہے ۔ ایک تعزیتی بیان میں رابطہ کمیٹی نے مرحومین کے سوگوار لواحقین سے دلی تعزیت وہمدردی کااظہا رکرتے ہوئے دعا کی کہ اللہ تعالیٰ مرحومین کو اپنی جواررحمت میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)

دریں اثناء اختر حسین کی والدہ محترمہ کو نارتھ کراچی میں واقع محمد شاہ قبرستان میں سپرد خاک کردیا گیا ۔ مرحومہ کی نماز جنازہ مسجد مہران سیکٹر 11-Bنارتھ کراچی میں ادا کی گئی ۔ نماز جنازہ اور تدفین میں ایم کیوایم کی رابطہ کمیٹی کے اراکین شاکر علی ، عبد الحسیب ، احمد سلیم صدیقی ، توصیف خانزادہ ، ایم کیوایم کراچی تنظیمی کمیٹی کے اراکین ، نارتھ کراچی سیکٹر کمیٹی کے ارکان ، یونٹوں کے ذمہ داران ، کارکنان ، ہمدردوں اور مرحومہ کے عزیز وا قارب نے شرکت کی ۔