Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

وفاقی وزیر خزانہ سینیٹر اسحاق ڈار کا متحدہ قومی موومنٹ کے قائد الطاف حسین سے فون پر رابطہ، ملک کی موجودہ تیزی سے بگڑتی ہوئی صورتحال پر گفتگو


وفاقی وزیر خزانہ سینیٹر اسحاق ڈار کا متحدہ قومی موومنٹ کے قائد الطاف حسین سے فون پر رابطہ، ملک کی موجودہ تیزی سے بگڑتی ہوئی صورتحال پر گفتگو
 Posted on: 8/31/2014
وفاقی وزیر خزانہ سینیٹر اسحاق ڈار کا متحدہ قومی موومنٹ کے قائد الطاف حسین سے فون پر رابطہ، ملک کی موجودہ تیزی سے بگڑتی ہوئی صورتحال پر گفتگو
اسحق ڈارنے جناب الطاف حسین کواسلام آباد میں پیش آنے والے واقعہ کے حوالے سے آگاہ کیا
مظاہرین پر فائرنگ، شیلنگ اور تشدد قطعی نامناسب اور افسوسناک ہے۔ الطاف حسین کی اسحق ڈارسے گفتگو
حکومت کو مظاہرین کے خلاف طاقت کے استعمال سے ہرقیمت پر گریز کرنا چاہیے تھا۔ الطاف حسین
وزیراعظم نوازشریف ملک اور جمہوریت کی بقاء کی خاطر کوئی وقت ضائع کئے بغیر ڈاکٹر طاہرالقادری، عمران خان اور دیگرجماعتوں کے قائدین کے ساتھ بیٹھیں۔ الطاف حسین
وزیراعظم معاملات کو مذاکرات، افہام وتفہیم اور بات چیت سے حل کرنے کی بھرپور کوشش کریں اور جائز مطالبات پر توجہ دیں۔ الطاف حسین
زیادہ ذمہ داری حکومت پرعائد ہوتی ہے کہ وہ ہوشمندی سے کام لے اورعوام کے جذبات کو ٹھنڈا کرے۔ الطاف حسین
لندن۔۔۔30 اگست 2014ء
وفاقی وزیرخزانہ سینیٹراسحاق ڈارنے ہفتہ کی شب متحدہ قومی موومنٹ کے قائد جناب الطاف حسین سے فون پر رابطہ کیا اور ان سے ملک کی موجودہ تیزی سے بگڑتی ہوئی صورتحال پر گفتگو کی۔ اسحق ڈارنے جناب الطاف حسین کواسلام آباد میں پیش آنے والے واقعہ کے حوالے سے آگاہ کیا۔ جناب الطا ف حسین نے اسحق ڈار سے گفتگو کرتے ہوئے اسلام آباد میں مظاہرین پر فائرنگ، شیلنگ اورتشدد کوقطعی نامناسب اور افسوسناک قراردیا اورکہا کہ جوکچھ ہوا وہ نہیں ہونا چاہیے تھا اور حکومت کو مظاہرین کے خلاف طاقت کے استعمال سے ہرقیمت پر گریز کرنا چاہیے تھا۔ انہوں نے کہاکہ انتظامیہ کے ایکشن کی وجہ سے عورتیں بچے بھی بری طرح متاثرہوئے ہیں اور زخمی ہوئے ہیں۔ جناب الطاف حسین نے کہاکہ موجودہ صورتحال میں زیادہ ذمہ داری حکومت پرعائد ہوتی ہے کہ وہ ہوشمندی سے کام لے اورعوام کے جذبات کو ٹھنڈا کرے اورعوام کی جان ومال کے تحفظ کیلئے اقدامات کرے ۔ جناب الطاف حسین نے کہاکہ وزیراعظم نوازشریف کو چاہیے کہ وہ بڑے پن کا مظاہرہ کرتے ہوئے ملک اورجمہوریت کی بقاء کی خاطر کوئی وقت ضائع کئے بغیر ڈاکٹر طاہر القادری، عمران خان اوردیگرجماعتوں کے قائدین کو براہ راست مذاکرات کی دعوت دیں اور اگر ڈاکٹر طاہر القادری اورعمران خان وزیراعظم کی دعوت پر ان کے بتائے گئے مقام پر آنے سے منع کردیں یاکسی ہچکچاہٹ کا مظاہرہ کریں تو پھربھی میری یہ درخواست ہوگی کہ وزیراعظم نوازشریف اس معاملے کو انا کا مسئلہ نہ بنائیں اور بڑے مقصدکی خاطر خودچل کر ڈاکٹرطاہرالقادری اورعمران خان کے کنٹینرز میں جاکر ان سے ملاقات کریں اور مذاکرات، افہام وتفہیم اوربات چیت کے ذریعے معاملات کا پرامن حل تلاش کرنے کی بھرپورکوشش کریں اوران کے جائز مطالبات پر توجہ دیں۔ اسحق ڈار نے جناب الطاف حسین کو یقین دلایا کہ حکومت نے معاملہ کو مذاکرات کے ذریعے سے حل کرنے کی کوشش کی ہے اور حکومت افہام وتفہیم سے معاملات کوحل کرنے کی مزید بھرپور کوششیں جاری رکھے گی۔ 

12/8/2016 6:05:49 PM