حق پرست صوبائی وزیر رؤف صدیقی کا مختلف اخبارات کو توہینِ عدالت کا نوٹس

کراچی: 27اگست2014

صوبائی وزیرصنعت رؤف صدیقی کاروزنامہ جنگ، روزنامہ پاکستان آبزور، روزنامہ امن، روزنامہ امت، روزنامہ جہان پاکستان، روزنامہ ریاست ،روزنامہ ایمان، روزنامہ نوائے وقت، روزنامہ جرات اور روزنامہ خبریں کوسپریم کورٹ کے فیصلے کے حوالے سے غلط خبر شائع کرنے پر اپنے وکیل سینیٹر فروغ نسیم ایڈوکیٹ کے ذریعے توہینِ عدالت کا نوٹس ارسال کیا۔ تفصیلات کے مطابق نوٹس سندھ اسمبلی کے حلقے PS114پر عرفان اللہ مروت کی ر کنیت کی بحالی کی غلط خبر شائع کرنے پر دیا گیا۔ فیصلے کے مطابق سپریم کورٹ نے کراچی کے حلقے PS-114 سے مسلم لیگ (ن ) سے تعلق رکھنے والے کامیاب امیدوا رعرفان اللہ مروت کی سندھ اسمبلی کی رکنیت کو بحال نہ کرتے ہوئے ضمنی الیکشن زیر التواء رکھا اورعرفان اللہ مروت کی جانب سے دائرکی سول اپیل نمبر1041/2014 کی شنوائی کے لئے اگلی پیشی تک موخرکردیا۔ جبکہ مذکورہ اخبارات نے سپریم کورٹ کے فیصلے کی اصل روح کے برخلاف عرفان اللہ مروت کی سندھ اسمبلی کی رکنیت کی خبرکی شائع کی جوکہ توہینِ عدالت کے زمرے میں آتی ہے ۔نوٹس میں مذکورہ سے خبرکی تردید بھی شائع کرنے کا مطالبہ کیا گیا ہے۔