کرسچن میڈیا سیل کا جناب الطاف حسین کیلئے \"Voice of Christian & The Leader Of The Nation\" کا ایوارڈ

جناب الطاف حسین ملک میں اقلیتوں کے حقوق اور ان کے ساتھ نا انصافیوں کے خلاف جد وجہد کر رہے ہیں،پریذیڈنیٹ کرسچن میڈیا سیل عمر لاٹھی

کراچی ۔۔۔16اگست2014ء

کرسچن میڈیاسیل کے پریزیڈنٹ عمر لاٹھی نے ضیاء کالونی ، کورنگی نمبر 4میں یوم آزادی پر منعقدہ پرچم کشائی کی تقریب میں قائد تحریک الطاف حسین کو \"Voice of Christian & The Leader Of The Nation\"کا ایوارڈپیش کیا جسے ایم کیو ایم اقلیتی امور کمیٹی کے انچارج منور الاسلام نے وصول کیا ۔ پرچم کشائی کی تقریب میں ایم کیو ایم اقلیتی امور کمیٹی کے اراکین ، ٹاؤن ورکنگ کمیٹی ، یوسی کمیٹی اور علاقہ معززین نے شرکت کی۔ تقریب سے خطاب کرتے ہوئے منور الاسلام نے کہا کہ جناب الطاف حسین کا فلسفہ کسی ایک طبقے کے لئے نہیں بلکہ پوری دنیا میں بسنے والے محروم و مظلوم عوام کے لئے ہے۔اس موقع پر منور الاسلام نے کرسچن کمیونٹی کو جنا ب الطاف حسین کی جانب سے یو م آزادی کی مبارک باد پیش کی۔اس موقع پر عمر لاٹھی نے کہا کہ جناب الطاف حسین ملک کے واحد سیاسی رہنما ہیں جو پاکستان میں بسنے والی تمام اقلیتوں کے حقوق اور ان کے ساتھ ہونے والی نا انصافیوں کے خلاف جد وجہد کر رہے ہیں جس پر تمام کرسچن کمیونٹی انہیں خراج تحسین پیش کرتی ہے۔ تقریب کے اختتام میں یوم آزادی کا کیک بھی کا ٹا گیا جناب الطاف حسین کی صحت و تندرستی اور ملک کی سلامتی کے لئے خصوصی دعا ئیں مانگی گئیں ۔

بعد ازاں ایم کیو ایم اقلیتی امور کمیٹی کے انچارج منور الاسلام و اراکین نے کرسچن میڈیا سیل کی جانب سے جناب الطاف حسین کو دیا جانے والا ایوارڈ خورشید بیگم سیکریٹریٹ عزیزآباد میں ایم کیو ایم رابطہ کمیٹی کے ڈپٹی کنوینر ڈاکٹر خالد مقبول صدیقی اور رکن رابطہ کمیٹی سید شاکر علی کے سپرد کیا ۔