متحدہ قومی موومنٹ کے قائدجناب الطاف حسین کی ہدایت پرخدمت خلق فاؤنڈیشن کے زیر اہتمام ’’سی ویو ‘‘پر سمندر میں ڈوب کرجاں بحق افرادکے لواحقین کے لئے طبّی ومعلوماتی کیمپ قائم کردیا گیا

کراچی ۔۔۔یکم ، اگست2014ء 

متحدقومی موومنٹ کے قائدجناب الطاف حسین کی خصوصی ہدایت پرفلاحی خدمت خلق فاؤنڈیشن کے زیر اہتمام کراچی کے ساحلی علاقے ’’سی ویو ‘‘پر عیدالفطر کے موقع پر سمندر میں ڈوب کرجاں بحق ہونیوالے افرادکے لواحقین کیلئے خصوصی طبّی ومعلوماتی کیمپ قائم کردیا گیاہے ۔خدمت خلق فاؤنڈیشن کی جانب سے لگائے گئے کیمپ پرسمندرمیں ڈوب کر جاں بحق افراد کے لواحقین کی بروقت معلومات کے ساتھ ساتھ جدید طبی سہولیات فراہم کی جارہی ہیں۔سی ویوپرقائم کیمپ میں کسی بھی ہنگامی صورتحال سے نمٹنے کے لئے ایم کیو ایم رابطہ کمیٹی کے ارکان،حق پرست عوامی نمائندوں،میڈیکل ایڈ کمیٹی کے ڈاکٹرزاورپیرامیڈیکل اسٹاف کے ہمراہ خدمت خلق فاؤنڈیشن کے رضاکارہمہ وقت موجودہیں جبکہ کیمپ پر بھاری مقدارمیں جان بچانے والی قیمتی ادویات اورجدیدآلات سے آراستہ خدمت خلق فاؤنڈیشن کی ایمبولینس بھی موجودہیں۔علاوہ ازیں ایم کیو ایم رابطہ کمیٹی کے ڈپٹی کنوینرڈاکٹر خالد مقبول صدیقی نے رکن رابطہ کمیٹی و حق پرست رکن قومی اسمبلی رشیدگوڈیل اورحق پرست اراکین اسمبلی کے ہمراہ سی ویوپرقائم خدمت خلق فاؤنڈیشن کے طبّی و معلوماتی کیمپ کاتفصیلی دورہ کرکے متاثرین کوطبّی ومعلوماتی سہولیات کاجائزہ لیااورکیمپ پرموجودمتاثرین سے ملاقات کرکے ان سے قائدتحریک جناب الطاف حسین کی جانب سے دلی تعزیت وہمدردی کااظہارکیا۔اس موقع پرخدمت خلق فاؤنڈیشن کے معلوماتی وطبّی کیمپ پر سمندر میں ڈوب کرجاں بحق ہونے والے افرادکے سوگوار لواحقین کاجمع غفیرجمع ہوگیااورمتاثرہ لوگ کیمپ سے اپنے پیاروں کی معلومات حاصل کرتے رہے۔