ملک میں اگرکوئی جماعت حقیقی معنوں میں تبدیلی لاسکتی ہے تووہ ایم کیوایم ہے ‘میاں عتیق
پاکستان جن مسائل ، مشکلات اکاشکارہیں اس کاسبب پاکستان میں رائج فرسودہ جاگیردارانہ نظام ہے‘صدر اپر پنجاب کمیٹی
قائدتحریک الطاف حسین نے غریب ومتوسط طبقہ کے پڑھے لکھے افرادکوایوانوں میں بھیج کرانقلاب کی مثال قائم کی‘افطار پارٹی سے خطاب
راولپنڈی۔۔۔۔24جولائی 2014ء
متحدہ قومی موومنٹ اپر پنجا ب کمیٹی کے زیر اہتمام صحافی برادران کے لئے افطار پارٹی منعقد کی گئی جس میں رابطہ کمیٹی کے رکن میاں عتیق ،بیرسٹر سیف علی خان ، اپر پنجاب کمیٹی کے صدر حاجی عتیق عباسی و اراکین کمیٹی ،سوشل فورم و اراکین کمیٹی، ڈسٹرکٹ صدر راولپنڈی واراکین کمیٹی، ڈسٹرکٹ صدر اسلام آباد و اراکین کمیٹی ،اراکین سٹی راولپنڈی اور کثیر تعداد میں کارکنان نے شرکت کی۔ میاں عتیق نے کہاہے کہ پاکستان میں غریبوں کے انقلاب کانعرہ سب لگاتے ہیں لیکن انقلاب وہی لاسکتے ہیں جنہوں نے انقلاب کارول ماڈل پیش کیا ہواور قائدتحریک الطاف حسین نے ملک میں پہلی بار غریب ومتوسط طبقہ کے پڑھے لکھے افرادکوایوانوں میں بھیج کر ملک میں انقلاب کی مثال قائم کی۔انہوں نے کہاکہ ملک میں اگرکوئی جماعت حقیقی معنوں میں تبدیلی لاسکتی ہے تووہ ایم کیوایم ہے اورانشاء اللہ ایم کیوایم قائدتحریک الطاف حسین کی قیادت میں جدوجہدکرکے ملک میں تبدیلی لاکررہے گی۔ اس موقع پر اپرپنجاب کمیٹی کے صدر عتیق عباسی نے اپنے خیالات کا اظہار کرتے ہوئے کہاکہ پاکستان میں اس وقت جن مسائل ، مشکلات اورعوام جس بدحالی کاشکارہیں اس کاسبب پاکستان میں رائج فرسودہ جاگیردارانہ نظام ہے جب تک یہ نظام ختم نہیں ہوگااس وقت تک پاکستان ان مسائل کی دلدل سے نہیں نکل سکتا۔