قائد تحریک جناب الطاف حسین کی تعلیمات پر عمل کرتے ہوئے ایم کیو ایم دکھی انسانیت کی بلا امتیاز خدمت کر رہی ہے، گلفرار خان خٹک

کراچی :۔۔۔24جولائی2014ء

متحدہ قومی موومنٹ کے قائد الطاف حسین کی خصوصی ہدایت پرایم کیوایم کے شعبے ہزارہ آرگنائزنگ کمیٹی کے تحت لانڈھی کے علاقے شیرپاؤ کالونی میں منعقدہ تقریب میں غریب و مستحق خاندانوں میں راشن بیگز اور دیگر اشیاء ضرورت سمیت امدادی سامان تقسیم کیا گیا ۔اس موقع پر ایم کیو ایم رابطہ کمیٹی کے رکن گلفراز خان خٹک نے کہاکہ ایم کیو ایم کے تمام شعبہ جات اور ایک ایک کارکن جناب الطاف حسین کی تعلیمات پر عمل کرتے ہوئے دکھی انسانیت کی بلا امتیاز خدمت کر رہا ہے ۔انھوں نے کہا کہ خدمت خلق فاؤنڈیشن ہر سال لاکھوں روپے مالیت کا امدادی سامان ملک بھر سے تعلق رکھنے والے مستحقین میں تقسیم کرتی ہے اور اپنے ہم وطنوں کی مدد کے لئے ہر گھڑی تیار ہے ۔ اس موقع پر ایم کیو ایم کی سینٹرل ایگزیکٹو کونسل کی رکن لیلیٰ پروین، حق پرست رکن سندھ اسمبلی وقار حسین شاہ،ہزارہ آرگنائزنگ کمیٹی کے انچارج شکیل اعوان و اراکین اور حق پرست عوام و کارکنان کی بڑی تعداد موجود تھی ۔ ہزارہ آرگنائزنگ کمیٹی کی جانب سے افطار ڈنر کااہتمام بھی کیا گیا تھا جس میں عوام کی بڑی تعداد نے شرکت کی اور مستحقین کی امداد پر جناب الطاف حسین سے اظہار تشکر اور انکے لئے دعا کی ۔