Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

حکومت کی واضح ہدایت کے باوجودسرکاری ونیم سرکاری اورنجی اداروں میں متعصب انتظامیہ کی جانب سے غریب ملازمین کو ایڈوانس تنخواہوں اورعیدبونس کی تاحال عدم فراہمی پررابطہ کمیٹی کااظہارتشویش


حکومت کی واضح ہدایت کے باوجودسرکاری ونیم سرکاری اورنجی اداروں میں متعصب انتظامیہ کی جانب سے غریب ملازمین کو ایڈوانس تنخواہوں اورعیدبونس کی تاحال عدم فراہمی پررابطہ کمیٹی کااظہارتشویش
 Posted on: 7/22/2014
حکومت کی واضح ہدایت کے باوجودسرکاری ونیم سرکاری اورنجی اداروں میں متعصب انتظامیہ کی جانب سے غریب ملازمین کو ایڈوانس تنخواہوں اورعیدبونس کی تاحال عدم فراہمی پررابطہ کمیٹی کااظہارتشویش 
سرکاری ونجی اداروں میں ملازمین کوعیدالفطرسے قبل ایڈوانس تنخواہوں اورعیدبونس کی عدم فراہمی ملازمین کی حق تلفی اوران کے ساتھ ظلم وناانصافی ہے،رابطہ کمیٹی 
پیشگی تنخواہوں اوربونس کی عدم ادائیگی کے باعث ملازمین میں شدیدمشکلات وبے چینی پائی جارہی ہے
پیشگی تنخواہوں اوربونس کی فراہمی یقینی بنانے کے لئے فنڈزجاری کرنے کے باوجودسرکاری ونجی اداروں کی انتظامیہ کی جانب سے متعصبانہ روئیہ کافی الفورنوٹس لیاجائے 
ملازمین کو تنخواہوں اوربونس سے محروم رکھنے کے لئے تسلسل کے ساتھ سازشی ہتھکنڈے استعمال کیے جارہے ہیں جوغریب ملازمین کے ساتھ ظلم ناانصافی اورحق تلفی کے مترادف ہے
کراچی ۔۔۔22جولائی2014ء
متحدہ قومی موومنٹ کی رابطہ کمیٹی نے وفاقی وصوبائی حکومت کی واضح ہدایت کے باوجودسندھ کے متعددسرکاری ونیم سرکاری اورنجی اداروں میں متعصب انتظامیہ کی جانب سے ملازمین کوعیدالفطرسے قبل ایڈوانس تنخواہوں اورعیدبونس کی عدم فراہمی پرگہری تشویش اورشدیدردعمل کااظہارکیاہے اوراس عمل کو ملازمین کی حق تلفی اوران کے ساتھ سراسرظلم وزیادتی قراردیاہے ۔ ایک بیان میں رابطہ کمیٹی نے کہاکہ سرکاری ونجی اداروں میں انتظامیہ کی جانب سے ملازمین کو پیشگی تنخواہوں اوربونس کی عدم ادائیگی کے باعث ملازمین میں شدیدبے چینی پائی جارہی ہے جس کے باعث انہیں عیدالفطرکی تیاریوں میں شدید مشکلات وپریشانیوں کاسامناکرناپڑرہاہے اوران کی خوشیاں ماندپڑتی نظرآرہی ہیں۔رابطہ کمیٹی نے کہاکہ ملک میں تیزی سے بڑھتی ہوئی مہنگائی نے غریب ملازمین کی پہلے ہی کمرتوڑرکھی ہے اوروہ کسمپرسی کی کربناک زندگی گذارنے پرمجبورہیں جبکہ مہنگائی کے اس دورمیں انہیں بونس اورپیشگی تنخواہوں سے محروم رکھنا سراسرظلم ہے۔رابطہ کمیٹی نے کہاکہ وفاقی وصوبائی حکومت کی واضح ہدایت اور سرکاری ملازمین کوعیدالفطرسے قبل تنخواہوں کی فراہمی کے لئے فنڈزجاری کرنے کے باوجود بعض سرکاری ونجی اداروں کی انتظامیہ نے متعصبانہ رویہ اختیارکیاہواہے اورملازمین کو تنخواہوں اوربونس سے محروم رکھنے کے لئے سازشی ہتھکنڈے استعمال کیے جارہے ہیں جوملازمین کی حق تلفی اوران کے ساتھ سراسرناانصافی ہے جس کی جتنی بھی مذمت کی جائے کم ہے۔رابطہ کمیٹی نے گورنرسندھ ڈاکٹرعشرت العباد اوروزیراعلیٰ سندھ سیدقائم علی شاہ سے مطالبہ کیاکہ عیدالفطرسے قبل سرکاری ونیم سرکاری اورنجی اداروں میں انتظامیہ کی جانب سے ملازمین کے ساتھ متعصبانہ روئیے کانوٹس لیتے ہوئے ملازمین کوپیشگی تنخواہوں اور عیدبونس کی فراہمی یقینی بنائیں۔
8/22/2025 9:24:41 PM