نوابشاہ میں آئل ٹینکر ٹکرانے کے ہولناک حادثہ میں متعدد افراد کے ہلاک اور زخمی ہونے پر الطاف حسین کااظہارافسوس

لندن۔۔۔20، جولائی 2014ء 

متحدہ قومی موومنٹ کے قائد جناب الطاف حسین نے نوابشاہ میں دو آئل ٹینکر ٹکرانے کے ہولناک حادثہ میں متعددافراد کے جھلس کر ہلاک اور زخمی ہونے پر گہرے دکھ اور افسوس کااظہا رکیا ہے ۔ایک تعزیتی بیان میں جناب الطاف حسین نے جھلس کر ہلاک ہونے والے افراد کے سوگوار لواحقین سے دلی تعزیت وہمدردی کااظہا رکرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ انہوں نے دعا کی کہ اللہ تعالیٰ ہلاک شدگان کو اپنی جواررحمت میں اعلیٰ مقام عطا فرمائے ، سوگواران کو یہ صدمہ برداشت کرنے کا حوصلہ عطاکرے اور زخمیوں کو جلد و مکمل صحت یابی عطا فرمائے ۔ (آمین)