الطاف حسین نے انسانیت کی خدمت کو اپنی اولین ترجیح بنایا ہے، ڈپٹی کنوینر ایم کیوایم ڈاکٹر نصرت شوکت

کراچی ۔۔۔۔20جولائی2014ء

متحد ہ قومی موومنٹ کی رابطہ کمیٹی کے ڈپٹی کنوینر اور خدمت خلق فاؤنڈیشن کے انچارج ڈاکٹر نصرت شوکت نے خدمت خلق فاؤنڈیشن کے مرکزی دفتر کا دورہ کیا اور وہاں موجود سالانہ امدادی پروگرام کے لئے موجود امدادی سامان کا معائنہ کیا۔ اس موقع پر ان کے ہمراہ رابطہ کمیٹی کے رکن کہف الوریٰ بھی موجود تھے۔ ڈاکٹر نصرت شوکت نے کہا کہ جناب الطاف حسین نے ہمیشہ دکھی انسانیت کی خدمت کو اپنی اولین ترجیح بنایا ہے اور اپنے نمائندوں اور کارکنوں کو بھی یہی درس دیا ہے کہ وہ بلا امتیاز رنگ و نسل دکھی انسانیت کی خدمت کریں ۔ ڈاکٹر نصر ت شوکت نے کہا کہ خدمت خلق فاؤنڈیشن ہر سال سالانہ امدادی پروگرام منعقد کر کے کروڑوں روپے مالیت کا امدادی سامان بلا رنگ و نسل غریبوں اور مستحقین میں تقسیم کرتا ہے اور اسکے ساتھ ساتھ پورے سال ملک کے غریب ، مظلوم ، مستحقین اور سفید پوش خاندانوں میں بڑی تعداد میں نقدی امداد اور دیگرامداد ی سامان بھی تقسیم کیا جاتا ہے جو کہ من و عن جناب الطاف حسین کی تعلیمات کے مطابق انکی نگرانی میں کیا جاتا ہے۔ ڈاکٹر نصرت شوکت نے ملک بھر کے مخیر حضرات اور صاحب استطاعت افراد سے اپیل کی کہ وہ خدمت خلق فاؤنڈیشن کی فلاحی سرگرمیوں کو مد نظر رکھتے ہوئے انسانیت کی بے لوث خدمت میں حصہ لیں اور ملک بھر کے غریب ، مستحق خاندانوں بالخصوص شمالی وزیرستان سے نقل مکانی کرنے والے ہم وطنوں کی بھر پور امداد کے لئے رمضان المبارک کے با بر کت ماہ میں اپنی زکوۃ ، فطرہ ،نقدی اور دیگر امدادی اشیاء خدمت خلق فاؤنڈیشن کے امدای کیمپوں یا کے کے ایف کے بینک اکاؤنٹ میں جمع کروائیں۔