سابق وزیراعظم یوسف رضاگیلانی کی ایم کیوایم کے قائد الطاف حسین سے فون پر گفتگو، ملک کی سیاسی صورتحال پر تبادلہ خیال

قائدتحریک الطاف حسین نے یوسف رضاگیلانی سے انکے صاحبزادے کی عدم بازیابی پر اپنی تشویش کااظہار کیا اور صاحبزادےکی جلد بازیابی کیلئے دعابھی کی

لندن۔۔۔10 جولائی 2014ء

سابق وزیراعظم یوسف رضاگیلانی نے متحدہ قومی موومنٹ کے قائدجناب الطاف حسین سے فون پر گفتگوکی اوران سے ملک کی سیاسی صورتحال پر تبادلہ خیال کیا۔ یوسف رضاگیلانی نے جناب الطاف حسین کی خیریت دریافت کی اور ان کیلئے نیک جذبات کااظہارکیا۔سابق وزیراعظم نے قومی امورکے بارے میں جناب الطا ف حسین کے تبصروں اورخیالات کونہایت مثبت اور درست قراردیا۔ جناب الطاف حسین نے بھی یوسف رضاگیلانی کے لئے نیک جذبات کا اظہارکیا اورکہاکہ ہمیں ایک دوسرے کے ساتھ مل کرملک اورجمہوریت کے فروغ کیلئے کام کرناچاہیے ۔ جناب الطاف حسین نے یوسف رضاگیلانی سے ان کے صاحبزادے کے اغوااورکافی عرصہ گزرجانے کے باوجود بازیاب نہ کئے جانے پر اپنی تشویش کااظہار کیااور ان سے دلی ہمدردی کااظہارکیا۔انہوں نے یوسف رضاگیلانی کے صاحبزادے کی جلد بازیابی کیلئے دعابھی کی۔ جناب الطاف حسین نے جنرل پرویزمشرف کے بارے میں آج حقائق بیان کرنے پر سابق وزیراعظم یوسف رضاگیلانی کوزبردست خراج تحسین پیش کرتے ہوئے کہاکہ آپ ہمیشہ سچائی سے کام لیتے ہیں اورآپ نے آج بھی جوحقائق بیان کئے ہیں وہ درست ہیں اور میں آپ کوسچائی بیان کرنے پرخراج تحسین پیش کرتاہوں