سینئر اینکرپرسن، ممتاز دانشور اور معروف تجزیہ نگار افتخار احمد کو طالبان کی جانب سے دی جانے والی تازہ ترین دھمکیاں قابل مذمت ہیں۔ الطاف حسین

لندن۔۔۔24 اپریل 2014ء

متحدہ قومی موومنٹ کے قائدجناب الطاف حسین نے سینئراینکرپرسن،ممتاز دانشور اورمعروف تجزیہ نگارافتخاراحمدکوطالبان کی جانب سے دی جانے والی تازہ ترین دھمکیوں کی شدید الفاظ میں مذمت کی ہے۔ اپنے ایک بیان میں جناب الطا ف حسین نے کہاکہ انتہاپسنددہشت گرداب اتنے بے خوف وخطرہوچکے ہیں کہ انہوں نے لاہورجوکہ پنجاب کا صوبائی دارالحکومت ہے وہاں کی مصروف شاہراہ پرافتخاراحمدکی گاڑی کوٹریفک سگنل پر روک کرانہیں طالبان کے خلاف باتیں کرنے پر سخت نتائج کی دھمکی دی،افتخاراحمدکودی گئی اس دھمکی کی اطلاع جب افتخاراحمدکے اہل خانہ کوملی تو ان میں سراسیمگی پھیل گئی۔ انہوں نے کہاکہ آج افتخاراحمدکودی گئی دھمکی کودودن گزرجانے کے باوجودپولیس نے دھمکی دینے والوں کاسراغ لگانے میں تاحال کوئی پیش رفت نہیں کی ہے ۔ جناب الطاف حسین نے وفاقی حکومت، حکومت پنجاب ،وزارت داخلہ اورآئی ایس آئی ، آئی بی سمیت تمام وفاقی اورصوبائی ایجنسیزسے اپیل کی کہ وہ افتخاراحمدجوکہ ملک کاقیمتی اثاثہ ہیں،ان کی حفاظت کامناسب بندوبست کریں اورکودھمکی دینے والے دہشت گرد عناصر کاسراغ لگاکرانہیں قانون کے مطابق سخت سزا دیں ۔ جناب الطاف حسین نے اس واقعہ پر افتخاراحمدسے دلی ہمدردی اورمکمل یکجہتی کااظہارکیااوردعاکی کہ اللہ تعالیٰ افتخاراحمداوردیگرقلمکاروں کواپنی حفظ وامان میں رکھے اورحکومت کوتوفیق دے کہ وہ اپناقومی فرض سمجھتے ہوئے ملک کے ان قیمتی اثاثوں کی حفاظت کابھرپوراورفوری انتظام کرے۔