ملک بھر کی طرح صوبہ پنجاب میں بھی ایم کیوایم کے زیراہتمام پریس کلب کے باہر زبردست احتجاجی مظاہروں کا انعقاد

لاہور ۔۔۔18، اپریل 2014ء 

متحدہ قومی موومنٹ کی جانب سے لاپتا کارکنان کی بازیابی اور کارکنان کے ماورائے عدالت قتل کے خلاف ملک بھرکے پریس کلب کے باہر زبردست احتجاجی مظاہرے کئے گئے ۔ اس سلسلے میں صوبہ پنجاب میں ایم کیوایم کے تحت پنجاب کے تمام اضلاع اور تحصیلوں میں زبردست مظاہرے کئے گئے جن میں ایم کیوایم کی رابطہ کمیٹی کے ارکان سینیٹرنسرین جلیل ،میاں عتیق، حق پرست ارکان اسمبلی ،ذمہ داران ، کارکنان اور ہمدرد عوام سمیت مختلف ہائے زندگی سے تعلق رکھنے والے افراد نے کثیر تعداد میں شرکت کی اور کراچی میں ایم کیوایم کے کارکنان کو بغیر شناخت کی گاڑیوں میں سوار اہلکاروں کی جانب سے گرفتار کرکے لاپتا کرنے اور ماورائے عدالت قتل کے خلاف زبردست احتجاج ریکارڈ کرایا ۔ ایم کیوایم کے زیر اہتمام یہ مظاہرے اپر پنجاب کے اضلاع اسلام آباد ، ٹوبہ ٹیک سنگھ ، سرگودھا ، فیصل آباد ،سیالکوٹ میانوالی ، چنیوٹ ، خوشاب ، جھنگ ، چکوال اور ان کی تحصیلوں پیر محل پیر محل ، کمالیہ ، پیپلاں، بھوانہ ، احمد پور سیال کے پریس کلب کے باہر احتجاجی مظاہروں کا انعقاد کیا گیا ۔ سینٹرل پنجاب کے اضلاع لاہور ، سیالکوٹ ، ساہیوال ، شیخو پورہ ، ننکانہ ، قصور ، منڈی بہاؤ الدین ، نارروال اورپاکپتن میں ایم کیوایم کے کارکنان نے پریس کلب کے باہر زبردست احتجاجی مظاہرے کئے ۔ اسی طرح جنوبی پنجاب کے اضلاع ملتان ، بہاولپور ، لودھراں ، وہاڑی ، راجن پور ، مظفر گڑھ ، بہاولنگر ، رحیم یار خان ، خانیوال ، ڈی جی خان ، لیہ کے پریس کلب کے باہر اور ان کی تحصیلوں سٹی بہاولپور ، صدر بہاولپور ، حاصل پور ، احمد پور شرقیہ ، یزمان ، خیر پور،کہروڑ پکا ، لودھراں ، سب تحصیل جلہ جیم ، تحصیل میلسی ، بوریوالہ ، وہاڑی ، روجھان ، جام پور ، سب تحصیل چوک سرور شہید ، کوٹ ادو ، مظفر گڑھ ، بہاولنگر ، چشتیاں ، فورٹ عباس ، منچن آباد ، لیاقت پور ، خانپور ، صادق آباد ، رحیم یار خان ، میاں چنوں ، کبیر والا ، جہانیاں ، کانیوال ، تونسہ شریف ، ڈیرہ غازی خان ، چوربارہ اور لیہ کے پریس کلب کے باہر ایم کیوایم کے زیر اہتمام پرامن احتجاجی مظاہرے ہوئے ۔ پنجاب بھر کے اضلاع اور تحصیل کے پریس کلب کے باہر منعقد ہ احتجاجی مظاہروں کے شرکاء نے اپنے ہاتھوں میں کراچی میں گرفتاریوں سے بعد سے لاپتہ کارکنان کی تصاویر اٹھا رکھی تھی اور وہ ان کی بازیابی کیلئے زبردست نعرے لگا کر احتجاج ریکارڈ کراتے رہے ۔ احتجاجی مظاہروں میں ایم کیوایم پنجاب کمیٹی کے اراکین ، حق پرست اراکین اسمبلی اور رابطہ کمیٹی کے ارکان نے بھی شرکت کی ۔ اس موقع پر ایم کیوایم پنجاب کے ذمہ داران نے شرکاء سے خطاب کرتے ہوئے کہاکہ ایم کیو ایم کے خلاف غیر قانونی اور غیر آئینی اقدامات کا سلسلہ فی الفور بند کرایا جائے ، کارکنان کو گرفتاریوں کے لاپتا کئے جانے اور ان کے ماورائے عدالت قتل کے خلاف ملک بھر کی طرح پنجاب میں گہری تشویش پائی جارہی ہے اور اگر یہ سلسلہ بند نہیں کیا جاتا تو ایم کیوایم ہر سطح پر اپنے احتجاج کا حق محفوظ رکھتی ہے ۔انہوں نے کہاکہ ایم کیوایم پر کراچی میں اگر ظلم کیا جائے تواس کے اثرات ملک بھر میں مرتب ہوں گے لہٰذا وقت کا تقاضا ہے کہ ایم کیوایم کے خلاف غیر قانونی اقدامات میں ملوث متعصب افسران اور اہلکاروں کے خلاف فی الفورکارروائی عمل میں لائی جائے اور ظلم و ستم کا سلسلہ بند کرایاجائے ۔ انہوں نے وزیراعظم میاں نواز شریف ، وزیراعلیٰ پنجاب شہباز شریف اور چیف جسٹس صاحبان سے اپیل کی کہ وہ کراچی میں ایم کیوایم کے کارکنان کو لاپتہ کرنے اور ان کے ماورائے عدالت قتل کے خلاف پنجاب میں اٹھنے والی آواز کافی الفور نوٹس لیں اور ایم کیوایم اوراس کے کارکنان کے بنیادی انسانی حقوق کی پامالی کا عمل فی الفور بند کراکے لاپتا کارکنان کو بازیاب کرایاجائے ۔