ایم کیوایم اپر پنجاب ، سینٹرل پنجاب اور جنوبی پنجاب میں رکنیت سازی مہم کا آغاز کردیا گیا

لاہور ۔۔۔15، اپریل 2014ء 

متحدہ قومی موومنٹ صوبائی تنظیمی کمیٹی پنجاب کے زیر اہتمام اپر پنجاب ، سینٹرل پنجاب اور جنوبی پنجاب میں رکنیت سازی مہم کا آغاز کردیا گیا اس سلسلے میں پنجاب کے مختلف اضلاع میں رکنیت سازی کے کیمپس لگائے گئے جہاں عوام کی کی کثیر تعداد نے رابطہ کیا اور رکنیت سازی کے فارمپُر کرکے جمع کرائے ۔ رکنیت سازی مہم کے لئے اپر پنجاب میں اسلام آباد ، سینٹرل پنجاب میں گوجرانوالہ ، سیالکوٹ اور جنوبی پنجاب میں لودھراں ، تحصیل کہروڑ پکا ، ڈی جی خان ، تحصیل تونسہ شریف ، لیہ ، مظفر گڑھ اور تحصیل کوٹ ادو میں کیمپس لگائے گئے جن پر ایم کیوایم اپر پنجاب ، سینٹرل پنجاب اور جنوبی پنجاب کے عہدیداران بیٹھے اور انہوں نے رکنیت سازی کیمپ پر رابطہ کرنے والے عوام کو فارم فراہم کئے ۔ اس موقع پر رکنیت سازی کیمپوں پر رابطہ کرنے والے عوام نے اپنے جذبات کااظہار کرتے ہوئے کہاکہ ایم کیوایم میں شمولیت کیلئے رکنیت سازی کے فارم ہم نے جناب الطاف حسین کے فکرو فلسفہ اور نظریئے سے متاثر ہوکر پُر کئے ہیں اور ملک کے فرسودہ نظام سے نجات کیلئے ہم چاہتے ہیں کہ جناب الطاف حسین کا ساتھ دیں اور ایم کیوایم کی حق پرستی کی تحریک کا حصہ بن جائیں ۔ ایم کیوایم پنجاب کے عہدیداران نے رکنیت سازی فارم لیکر پُر کرکے جمع کرانے والے عوام سے دلی تشکر کااظہا رکیا اور کہا کہ پنجاب بھر میں عوام نے جس طرح رکنیت سازی فارم حاصل کئے ہیں وہ پنجاب میں تبدیلی کا پیش خیمہ ہے ۔