مظفرگڑھ تحصیل کوٹ ادومیں پاکستان تحریک انصاف کسان ونگ کے نائب صدرغفورشاہ ، طارق اسماعیل اورغلام رسول کی اپنے تین سوساتھیوں کے ہمراہ ایم کیوایم میں غیرمشروط شمولیت

کوٹ ادوو۔۔۔13؍ اپریل 20114ء 

مظفرگڑھ کی تحصیل کوٹ ادومیں پاکستان تحریک انصاف کسان ونگ کے نائب صدرغفورشاہ ،پی ٹی آئی کے رہنماء طارق اسماعیل اورغلام رسول نے متحدہ قومی موومنٹ کے قائد جناب الطاف حسین کے نظریہ حق پرستی،فکروفلسفے اورایم کیوایم کی عملی جدوجہداورپالیسیوں سے متاثرہوکراپنے تین سوساتھیوں کے ہمراہ ایم کیوایم میں غیرمشروط شمولیت اختیار کرلی ہے۔ ایم کیوایم میں شمولیت کااعلان انہوں نے اپنے دیگرساتھیوں کے ہمراہ اتوارکے روزکوٹ ادوپریس کلب میں پریس کانفرنس کے دوران کیا۔اس موقع پرایم کیوایم جنوبی پنجاب کے رابطہ سیکریٹری آصف جاہ اورصدرمظفر گڑھ ڈسٹرکٹ چوہدری تنویرکے علاوہ دیگرذمہ داران وکارکنان بھی موجودتھے۔پریس کانفرنس سے خطاب کرتے ہوئے غفور شاہ نے کہاکہ پاکستان تحریک انصاف اپنے مشن و مقصدسے ہٹ چکی ہے جو پرانی روایت کے مطابق جاگیرداروں کے ساتھ ہے جہاں غریب کارکنوں کی کوئی سنوائی نہیں ۔انہوں نے کہاکہ یہی وجہ ہے کہ میں اورمیرے تمام ساتھی پی ٹی آئی سے شدیدنالاں تھے۔انہوں نے قائدتحریک الطاف حسین پراپنے اعتماد کااظہارکرتے ہوئے کہاکہ ایم کیوایم واحد جماعت ہے جہاں کارکنان کوعزت ووقاردیا جاتا ہے اوریہی وجہ ہے کہ میں اورمیرے ساتھیوں نے ایم کیوایم میں شامل ہونے کافیصلہ کیا۔انہوں نے کہاکہ ایم کیو ایم میں شمولیت کاہمارایہ فیصلہ کوئی جلد بازی کافیصلہ نہیں بلکہ ہم نے ایم کیوایم کی جدوجہد کو دیکھا ہے اس کی پالیسیوں کامشاہدہ کیااورتب جاکرہم نے ایم کیوایم میں شمولیت کااعلان کیاہے ۔انہوں نے کہاکہ وہ 14 سال سے پی ٹی آئی سے منسلک رہے تاہم انہیں ہمیشہ نظراندازکیاگیا۔اس موقع پرجنوبی پنجاب کے رابطہ سیکریٹری آصف جاہ اورمظفرگڑھ ڈسٹرکٹ کے صدرچوہدری تنویرنے غفور شاہ،طارق اسماعیل اورغلام رسول کوتین سوساتھیوں کے ہمراہ ایم کیوایم میں شمولیت کاخیرمقدم کیااورانہیں قائدتحریک الطاف حسین کی جانب سے مبارکبادپیش کی۔اس موقع پرشمولیت اختیارکرنیوالوں نے رکنیت سازی فارم بھی پّرکرکے جمع کرے۔