کراچی میں 13 کلو وزنی بم برآمد ہونے پرایم کیوایم رابطہ کمیٹی کااظہار تشویش

Posted on: 4/9/2014 1

اگرخدانخواستہ کراچی میں بم پھٹ جاتا تو اس سے ہونے والے نقصانات کا تصور ہی انتہائی بھیانک ہے، رابطہ کمیٹی
بم ڈسپوزل اسکواڈز کے پاس بموں کو ناکارہ کرنے کیلئے مطلوبہ وسائل اور جدید آلات تک دستیاب نہیں ہیں
حکومت، قومی خزانہ کو کھربوں روپے دینے والے شہر کے باسیوں کو جان ومال کا تحفظ تک فراہم کرنے پر تیار نہیں ہے
ان حالات میں عوام کس سے انصاف اور تحفظ کی بھیک مانگیں؟
عوام اور کارکنان اپنے اپنے شہروں ، علاقوں اور محلوں کی حفاظت کیلئے رضاکارانہ طورپر خود انتظامات کریں، رابطہ کمیٹی کی اپیل

کراچی۔۔۔9، اپریل 2014ء
متحدہ قومی موومنٹ کی رابطہ کمیٹی نے کراچی کے علاقے خالد بن ولید روڈ سے 13 کلو وزنی بم برآمد ہونے پر گہری تشویش کااظہار کرتے ہوئے حکومت سے مطالبہ کیا ہے کہ شہر کو خاک وخون میں ملانے کی سازش کرنے والے عناصر کو بے نقاب کیاجائے ۔ اپنے ایک بیان میں رابطہ کمیٹی نے اسلام آباد کی سبزی منڈی میں ہولناک دھماکے سے ہونے والے المناک جانی نقصانات کے تناظر میں کراچی سے برآمد ہونے والے بم کاواقعہ انتہائی تشویشناک ہے۔ اسلام آباد میں 5 کلوگرام وزنی بم دھماکے سے اس قدروسیع پیمانے پر تباہی پھیلی ہے اگرخدانخواستہ کراچی میں 13 کلو گرام وزنی بم پھٹ جاتا تو اس سے ہونے والے نقصانات کا تصور ہی انتہائی بھیانک ہے۔رابطہ کمیٹی نے کہاکہ میڈیا رپورٹس اس بات کی مسلسل نشاندہی کررہی ہیں کہ ملک میں کام کرنے والے بم ڈسپوزل اسکواڈ زکے پاس بموں کو ناکارہ کرنے کیلئے مطلوبہ وسائل اور جدید آلات تک دستیاب نہیں ہیں۔ رابطہ کمیٹی نے کہاکہ کراچی ، قومی خزانہ کو ٹیکسوں اور محصولات کی مد میں اربوں کھربوں روپے دیتا ہے لیکن حکومت اس شہر کے باسیوں کو جان ومال کا تحفظ تک فراہم کرنے پر تیار نہیں ہے ۔ ان حالات میں عوام کس سے انصاف اور تحفظ کی بھیک مانگیں؟
رابطہ کمیٹی نے عوام اور کارکنان سے اپیل کی کہ وہ انتہائی چوکس رہیں ،اپنے اپنے شہروں ، علاقوں اور محلوں کی حفاظت کیلئے رضاکارانہ طورپر خود انتظامات کریں ، غیرضروری نقل وحرکت سے گریز کریں، غیرمحفوظ مقامات پر بیٹھک نہ کریں، مشکوک افراد اور مشتبہ اشیاء پر کڑی نظررکھیں اور کوئی بھی مشتبہ پیکٹ یادیگرسامان دیکھیں تو فوری طورپر پولیس اورانتظامیہ کو مطلع کریں۔

11/18/2025 11:27:18 AM

ہمیں دوسروں کے عیبوں کواچھالنے کے بجائے ان پر پردہ ڈالنا چاہیے ... 17 Nov 2025	کہکشاں حیدرکے بارے میں متحدہ قومی موومنٹ کے ترجمان کی وضاحت ... 17 Nov 2025
پاکستان کا عدالتی نظام کبھی بھی آزاد اور خودمختار نہیں رہا ... 16 Nov 2025	بزرگ رہنما آفتاب بقائی مرحوم ظلم وجبر کے ماحول میں بھی حق اورسچ کی جدو... 16 Nov 2025
مسلم لیگ ن اورپاکستان پیپلزپارٹی نے 27ویں ترمیم کرکے آئین، قانون، عدلی... 15 Nov 2025	اگرفوج اور سیاسی جماعتوں کے طرزعمل پر غورکیاجائے تو میرا سوال یہ ہےکہ ... 10 Nov 2025
آج عوام کوفیصلہ کرنا ہوگا کہ ملک میں جمہوریت کے نام پرچند خاندانوں کی ... 08 Nov 2025	کراچی کے تعلیمی بورڈز میں دیہی سندھ سے افسران کی خلافِ قانون تقرریاں ... 04 Nov 2025
میں پاکستان کے نہیں بلکہ فرسودہ جاگیردارانہ اوروڈیرانہ نظام کے خلاف ہو... 04 Nov 2025	فرسودہ اورکرپٹ سسٹم کے خلاف جدوجہد انگاروں پر چلنے اورطوفانوں سے کھیل ... 03 Nov 2025