Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پاکستان پوسٹ آفس سی بی اے الیکشن میں ایم کیوایم لیبر ڈویژن کے امیدواروں کی بھر پور اور واضح اکثریت سے کامیابی


پاکستان پوسٹ آفس سی بی اے الیکشن میں ایم کیوایم لیبر ڈویژن کے امیدواروں کی بھر پور اور واضح اکثریت سے کامیابی
 Posted on: 3/23/2014
پاکستان پوسٹ آفس سی بی اے الیکشن میں ایم کیوایم لیبر ڈویژن کے امیدواروں کی بھر پور اور واضح اکثریت سے کامیابی 
کامیابی کے بعد نومنتخب عہدیداران ادارے کے محنت کشوں کے ہمراہ خورشید بیگم سیکریٹریٹ عزیز آباد میں مبارکباد دینے کیلئے پہنچے 
رابطہ کمیٹی کے اراکین نے محنت کشوں کا خیر مقدم کیا اور انہیں کامیابی پر جناب الطاف حسین کی جانب سے مبارکباد پیش کی 
ایم کیوایم لیبر ڈویژن محنت کشوں کو سہارا فراہم کرنے کے طور پر جانی پہچانی جاتی ہے، کنور نوید جمیل کا مبارکباد 
دینے کیلئے آنے والے محنت کشوں کے اجتماع سے خطاب
کراچی ۔۔۔23، مارچ2014ء 
پاکستان پوسٹ آفس میں گزشتہ روز ہونے والے ’’سی بی اے ‘‘کے الیکشن میں متحدہ قومی موومنٹ لیبر ڈویژن کے امیدواروں نے بھر پور اور واضح اکثریت سے کامیابی حاصل کی ۔سی بی اے الیکشن میں کامیاب ہونے والے نومنتخب عہدیداران مبارکباد دینے کیلئے ادارے کے محنت کشوں کے ہمراہ خورشید بیگم سیکریٹریٹ عزیز آباد پہنچے جہاں ایم کیوایم کی رابطہ کمیٹی کے اراکین کنور نوید جمیل ، امین الحق ، توصیف خانزادہ ، عادل خان اور انچارج لیبر ڈویژن کاظم رضا نے ان کا خیر مقدم کیا اور انہیں بھر پور کامیابی حاصل کرنے پر قائد تحریک جناب الطاف حسین کی جانب سے دلی مبارکباد پیش کی ۔ سی بی اے کے نومنتخب عہدیداران نے اپنے ہاتھوں میں ایم کیوایم کے پرچم اٹھا رکھے تھے اور وہ پرجوش انداز میں قائد تحریک جناب الطاف حسین اور ایم کیوایم کے حق میں فلک شگاف نعرے لگارہے تھے ۔ اس موقع پر رابطہ کمیٹی کے رکن کنور نوید جمیل نے پاکستان پوسٹ آفس سی بی اے کے نومنتخب عہدیداران اور محنت کشوں کے اجتماع سے خطاب کرتے ہوئے کہاکہ ایم کیوایم لیبر ڈویژن نے نجی اور سرکاری اداروں میں محنت کشوں کے جائز حقوق کیلئے نہ صرف آواز بلند کی ہے بلکہ محنت کشوں کے جائز حقوق کیلئے عدالتی اور قانونی راستے بھی اختیار کئے اورمحنت کشوں کے حقوق پر کسی قسم کی سودے بازی کرکے راہِ فرار کا عمل کبھی اختیار نہیں کیا یہی وجہ ہے کہ آج ایم کیوایم لیبر ڈویژن محنت کشوں کو سہارا فراہم کرنے کے طور پر جانی پہچانی جاتی ہے ۔کنو ر نوید جمیل نے پاکستان پوسٹ آفس سی بی اے الیکشن میں کامیاب ہونے والے نومنتخب عہدیداران کو تلقین کی وہ ادارے کی ترقی و خوشحالی کے ساتھ ساتھ محنت کشوں کے مسائل اور مشکلات کے حل کیلئے کسی قسم کی کوتاہی اور غفلت کا مظاہرہ نہ کریں اور اپنی ذمہ داریوں کو احسن طریقے سے نبھائیں ۔ اس موقع پر ایم کیوایم لیبر ڈویژن کے جوائنٹ انچارجز اور اراکین بھی موجود تھے ۔ دریں اثناء نومنتخب عہدیداران اور محنت کشوں نے ایم کیوایم لیبر ڈویژن کے انچارج کاظم رضا اور اراکین کے ہمراہ جناح گراؤنڈ عزیز آباد میں ایم کیوایم کے شہداء کی یاد میں تعمیر کی گئی ’’یادگارِ شہدائے حق ‘‘ پر حاضری دی اور پھولوں کی چادر چڑھائی ۔ اس موقع پر انہوں نے شہداء کو زبردست سلام عقیدت پیش کیا اور ان کے بلند درجات کیلئے دعا بھی کی ۔ 

12/10/2016 2:26:41 PM