آل پاکستان متحدہ اسٹوڈینٹس آرگنائزیشن شعبہ طالبات کے زیر اہتمام جشن عید میلاد النبی ؐ کے سلسلے میں جامعہ کراچی کی آرٹس لابی میں پرنور’’ محفل میلاد ذکر مصطفی ؐ‘کا انعقاد

کراچی ۔۔۔۔6فروری 2014ء

جشن عید میلاد النبی ؐکے سلسلے میں آل پاکستان متحدہ اسٹوڈینٹس آرگنائزیشن شعبہ طالبات کے زیر اہتمام جامعہ کراچی کی آرٹس لابی میں پرنور ’’ محفل ذکر مصطفی ؐ ‘ کا انعقاد کیا گیا جس میں اساتذہ کرام ، طلبہ اور طالبات نے بڑی تعداد میں شرکت کی ۔ محفل ذکرِمصطفیؐ میں ملک کے نامور مقرر ٹی وی اینکر جنید اقبال ، مشہو ر نعت خوان امبر اشرف ، طالبات آمنہ ظفر ،سدرہ سعید ، سیدہ عروج فاطمہ،حافظہ عائشہ ،فاطمہ فاروقی،حافظہ خضرہ ،انیسہ مائیدا سمیت دیگرنے سرکاردوعالم ؐ کی شان اقدس میں نذرانہ عقیدت پیش کیااور آپؐ ی سیرت طیبہ پر روشنی ڈالی ۔ اس موقع پر حق پرست ارکان سندھ اسمبلی محترمہ نائلہ لطیف ، ہیر سوہو ، اے پی ایم ایس او کی مرکزی اراکین شازیہ اسلم ، شان زہرہ جعفرہ اورہما اکبر بھی موجود تھیں ۔بعدازاں محفل سماں منعقدکی گئی جس کے آخری میں سلام پڑھاگیا اور ملک اور قوم کی سلامتی ، دہشت گردی کے خاتمہ ، شہداء کی مغفرت ، اسیروں کی رہائی ، ان کے بلند حوصلے اور قائد تحریک جناب الطاف حسین کی درازی عمر ، صحت و تندرستی اور ناگہانی آفات سے بچاؤ کیلئے دعا بھی کی گئی ۔