Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

خالد بن ولید روڈ پر امام بارگاہ کو دھماکہ خیز مواد سے دہشت گردی کا نشانہ بنانے پر ایم کیوایم رابطہ کمیٹی کا اظہار مذمت


خالد بن ولید روڈ پر امام بارگاہ کو دھماکہ خیز مواد سے دہشت گردی کا نشانہ بنانے پر ایم کیوایم رابطہ کمیٹی کا اظہار مذمت
 Posted on: 12/18/2013
خالد بن ولید روڈ پر امام بارگاہ کو دھماکہ خیز مواد سے دہشت گردی کا نشانہ بنانے پر ایم کیوایم رابطہ کمیٹی کا اظہار مذمت
دہشت گرد مسلم امہ کے اتحاد کو ختم کرنے اور فرقہ وارانہ فسادات کیلئے قتل و غارتگری کررہے ہیں اور امام بارگاہوں کو نشانہ بنارہے ہیں، رابطہ کمیٹی ایم کیوایم 
عوام اپنے ارد گرد مشکوک اشیاء اور عناصر پر کڑی نظر رکھیں اور کسی بھی مشکوک چیز کی اطلاع قریبی پولیس اسٹیشن اور انتظامیہ کو دیں، رابطہ کمیٹی 
کراچی ۔۔۔18، دسمبر2013ء 
متحدہ قومی موومنٹ کی رابطہ کمیٹی نے خالد بن ولید روڈ پر واقع امام بارگاہ کودھماکہ خیز موادسے دہشت گردی کا نشانہ بنانے کی سخت ترین الفاظ میں مذمت کی ہے اور اس واردات کو شیعہ سنی فسادات کرانے کی سازشوں کا تسلسل قرار دیا ہے ۔ ایک بیان میں رابطہ کمیٹی نے کہاکہ امام بارگاہ، مساجد ، مدارس ، مسلح افواج اور عوام کو دہشت گردی کا نشانہ بنانے میں ملوث سفاک دہشت گرد ایک جانب ملک کو غیر مستحکم کرنے کے درپے ہیں اور دوسری جانب مسلم امہ کے درمیان نفاق پیدا کرنے اور ان کے اتحاد کو ختم کرنے اور فرقہ وارانہ فسادات کیلئے قتل و غارتگری کررہے ہیں اور مساجد اور امام بارگاہوں کو نشانہ بنا رہے ہیں جس کی جتنی بھی مذمت کی جائے کم ہے ۔ رابطہ کمیٹی نے نوجوانوں، بزرگوں، خواتین اور خصوصاً بچوں سے اپیل کی کہ وہ اپنے ارد گرد اور راہ چلتے ہوئے کسی بھی چیز کو نہ اٹھائیں ،اس کی اطلاع قریبی پولیس اور انتظامیہ کو دیں ، اپنے ارد گرد مشکوک اشیاء اور عناصر پر کڑی نظر رکھیں اور دہشت گردوں کی نفیساتی چال کو سمجھیں ۔رابطہ کمیٹی نے وفاقی وزیر داخلہ چوہدری نثار علی خان اور وزیراعلیٰ سندھ سیدقائم علی شاہ سے مطالبہ کیا کہ خالد بن ولید روڈ پر واقع امام بارگاہ کو دھماکہ خیز مواد سے نشانہ بنانے کی کارروائی کا سنجیدگی سے نوٹس لیں اور اس میں ملوث دہشت گرد اور ان کے سرپرستوں کو فی الفور گرفتار کرکے قرار واقعی سزا دی جائے۔

12/8/2016 8:09:46 AM