ایم کیوایم کے قائد جناب الطاف حسین کی نئی کتاب ’’فلسفہ محبت ‘‘ کی تقریب پذیرائی جمعہ ’’کو آواری ہوٹل ‘‘کے خورشید محل ہال لاہور میں منعقد ہوگی

لاہور ۔۔۔12، دسمبر2013ء 

متحدہ قومی موومنٹ کے قائد جناب الطاف حسین کی نئی کتاب ’’فلسفہ محبت ‘‘ کی تقریب پذیرائی 13دسمبر جمعتہ المبارک کو شام 6:00بجے آواری ہوٹل کے’’ خورشید محل ہال‘‘ لاہور میں منعقد ہوگی ۔ تقریب پذیرائی کی صدارت معروف کالم نگار اور دانشور حسن نثار کریں گے جبکہ مہمان خصوصی ’’سی پی این ای ‘‘کے صدر اور سینئر صحافی و دانشور مجیب الرحمن شامی ہیں ۔ تقریب پذیرائی میں ملک کے ممتاز دانشور ، شعراء ، ادیب ، صحافی ، وکلاء ، اور سیاسی، مذہبی اور سماجی شخصیات شرکت کریں گے ۔

واضح رہے کہ جناب الطاف حسین کی کتاب ’’فلسفہ محبت ‘‘ کی تقریب رونمائی گزشتہ ماہ نومبر 2013ء میں کراچی کے مقامی ہوٹل میں ہوئی تھی جسے زبردست پذیرائی مل رہی ہے اور ملک سمیت دنیا بھر سے کتاب ’’فلسفہ محبت ‘‘ کی تقریب پذیرائی کے انعقاد کیلئے ایم کیوایم انٹرنیشنل سیکریٹریٹ لندن اور ایم کیوایم کے مرکز نائن زیر وپر بہت بڑی تعداد میں ٹیلی فون ، فیکس اور ای میل پر پیغامات موصول ہوئے ہیں ۔