اے پی ایم ایس او کے 48ویں یومِ تاسیس کے موقع پر ایم کیو ایم کینیڈا، کیلگری یونٹ کے زیرِ اہتمام شاندار تقریب کا انعقاد

Posted on: 6/14/2026

اے پی ایم ایس او کے 48ویں یومِ تاسیس کے موقع پر ایم کیو ایم کینیڈا، کیلگری یونٹ کے زیرِ اہتمام شاندار تقریب کا انعقاد #11JuneAltafHai کیلگری، کینیڈا: قائد تحریک جناب الطاف حسین بھائی کی جانب سے 48 سال پہلے بنائی گئی آل پاکستان متحدہ اسٹوڈنٹس آرگنائزیشن (اے پی ایم ایس او) کے یومِ تاسیس کے موقع پر ایم کیو ایم کینیڈا، کیلگری یونٹ کے زیرِ اہتمام ایک پُروقار اور پُرجوش تقریب کا انعقاد کیا گیا، جس میں کارکنان، ہمدردوں اور ذمہ داران نے بھرپور شرکت کی۔ تقریب کا آغاز تلاوتِ کلامِ پاک سے کیا گیا۔ اس موقع پر شرکاء نے اے پی ایم ایس او کی 48 سالہ شاندار جدوجہد، قربانیوں اور تنظیمی خدمات کو خراجِ تحسین پیش کیا۔ تقریب میں رابطہ کمیٹی کے رکن عمیر خسرو بھائی اور سی او سی کے انچارج اقبال بہادر بھائی نے ساتھیوں سے تفصیلی گفتگو کرتے ہوئے تنظیمی امور اور یومِ تاسیس کی اہمیت پر روشنی ڈالی۔ اسی طرح کیلگری میں جوائنٹ سی او سی انچارج صفدر بھائی اور کیلگری چیپٹر کے دیگر ارکان عامر بھائی، فیصل بھائی اور فہیم بھائی نے کارکنان اور ہمدردوں سے گفتگو کی اور تنظیمی اتحاد، باہمی تعاون اور مسلسل جدوجہد کی اہمیت پر زور دیا۔ مقررین نے اے پی ایم ایس او کے 48ویں یومِ تاسیس پر تمام کارکنان اور ہمدردوں کو دلی مبارکباد پیش کرتے ہوئے کہا کہ اے پی ایم ایس او محض ایک طلبہ تنظیم نہیں بلکہ ایک نظریاتی تحریک ہے جس نے نوجوانوں کو شعور، تنظیم، خدمتِ خلق اور حق پر مبنی جدوجہد کا درس دیا ہے۔ تقریب خوشگوار ماحول، تنظیمی یکجہتی اور باہمی بھائی چارے کے جذبے کے ساتھ اختتام پذیر ہوئی۔ شرکاء نے اس عزم کا اعادہ کیا کہ وہ قائد تحریک جناب الطاف حسین بھائی کے فلسفے کی روشنی میں اے پی ایم ایس او اور ایم کیو ایم کے پیغام کو فروغ دینے، نوجوان نسل کو منظم کرنے اور حق و انصاف کی جدوجہد کو آگے بڑھانے کے لیے اپنی تمام تر صلاحیتیں بروئے کار لاتے رہیں گے۔ جاری کردہ: ایم کیو ایم کینیڈا – کیلگری یونٹ مورخہ: 14 جون 2026ء

9/9/2026 7:21:21 PM

صومالی قزاقوں کے ہاتھوں مغوی پاکستانیوں کے مظلوم اہلِ خانہ پر پولیس تش... 07 Sep 2026	ایم کیوایم کا بانی وقائدجناب الطاف حسین کی 73ویں سالگرہ کے موقع پر ہف... 07 Sep 2026
The Greater Punjab Conspiracy ... 06 Sep 2026	کراچی کے عوام کوالطاف حسین کا پیغام ... 06 Sep 2026
وزیراعلیٰ پنجاب مریم صفدرکایہ بیان کہ پنجاب کو پڑوسی ممالک سے خطرہ نہ... 06 Sep 2026	عوامی مینڈیٹ رکھنے والی جماعتوں اوران کے لیڈروں کے کردار کوتسلیم کیا ج... 06 Sep 2026
ایم کیو ایم پر تمام پابندیاں ختم، کارکنان اور عمران خان کو رہا کیا جائ... 05 Sep 2026	پیپلزپارٹی سندھ میں قتل و غارت گری کی کوشش کررہی ہے، مجھے ہرطرف آگ اور... 03 Sep 2026
قائد تحریک الطاف حسین نے فرسودہ جاگیردارانہ نظام کو چیلنج کرکے غریب و ... 01 Sep 2026	پیپلزپارٹی کی متعصب حکومت نے اپنے عمل سے ثابت کیا ہے کہ پیپلزپارٹی ایک... 01 Sep 2026