ایم کیوایم کینیڈاکی سینٹرل آرگنائزنگ کمیٹی اور کیلگری چیپٹر کی ایڈہاک کمیٹی کوتنظیمی نظم وضبط کی خلاف ورزی پر تحلیل کردیا گیا ہے۔ رابطہ کمیٹی کا اعلان
لندن……19 مئی 2026ء
متحدہ قومی موومنٹ کی رابطہ کمیٹی نے ایم کیوایم کینیڈا کی سینٹرل آرگنائزنگ کمیٹی اور ایم کیوایم کیلگری چیپٹر کی ایڈہاک کمیٹی کوتنظیمی نظم وضبط کی خلاف ورزی پر تحلیل کردیا ہے۔ بانی وقائد جناب الطاف حسین نے رابطہ کمیٹی کے فیصلے کی توثیق کردی ہے۔
رابطہ کمیٹی نے اعلان کیا کہ جلد ہی ایم کیوایم کینیڈا کی سابقہ سینٹرل آرگنائزنگ کمیٹی کے ارکان سمیت ٹورنٹو،مونٹریال، کیلگری، ونڈزر، ایڈمنٹن، فورٹ میکمیری کے کارکنوں کا ایک اہم جنرل ورکرزاجلاس منعقد کیا جائے گا جس سے بانی وقائد جناب الطاف حسین خطاب کریں گے۔
٭٭٭٭٭