#کراچی میں آندھی اورطوفانی بارش کے باعث ہونے و الے جانی ومالی نقصانات پر ایم کیو ایم کے بانی و قائد جناب الطاف حسین کا گہرے دکھ اور افسوس کا اظہار

Posted on: 3/19/2026

#کراچی میں آندھی اورطوفانی بارش کے باعث ہونے و الے جانی ومالی نقصانات پر ایم کیو ایم کے بانی و قائد جناب الطاف حسین کا گہرے دکھ اور افسوس کا اظہار شہر میں انفراسٹرکچر کی بہتری پر سنجیدگی سے توجہ دی جائے لندن۔۔۔ 18 مارچ 2026 #Karachi متحدہ قومی موومنٹ کے بانی و قائد جناب الطاف حسین نے کراچی میں طوفانی بارش کے باعث پیش آنے والے المناک حادثات میں قیمتی انسانی جانوں کےضیاع، متعدد افراد کے زخمی ہونے اور املاک کو پہنچنے والےنقصانات پر گہرے دکھ، افسوس اور دلی رنج و غم کا اظہار کیا ہے۔ اپنے ایک تعزیتی بیان میں جناب الطاف حسین نے کہا کہ کراچی میں اچانک آنے والی تیز آندھی اور موسلادھار بارش کے نتیجے میں مختلف علاقوں میں دیواریں، چھتیں، سائن بورڈز اور درخت گرنے سے شہریوں کی ہلاکتیں نہایت افسوسناک ہیں۔ میں اورمیری ایم کیوایم کے کارکنان متاثرین کے غم میں برابر کے شریک ہیں اور جاں بحق ہونے والے افراد کے اہلِ خانہ سے تعزیت کرتے ہیں۔انہوں نے دعا کی کہ اللہ تعالی مرحومین کو جوارِ رحمت میں جگہ عطا فرمائے۔ انہوں نے زخمیوں کی جلد و مکمل صحتیابی کے لیے بھی دعا کی۔ جناب الطاف حسین نے حکومت سندھ اورتمام متعلقہ اداروں سے مطالبہ کیا کہ متاثرہ علاقوں میں ہنگامی بنیادوں پرامدادی کارروائیاں کی جائیں، زخمیوں کو بہترین طبی سہولیات فراہم کی جائیں، اور متاثرین کی فوری مالی امداد اور مکمل سرکاری تعاون دیا جائے۔ انہوں نے کہا کہ کراچی کے عوام پہلے ہی بے شمار مسائل کا شکار ہیں، ایسے میں قدرتی آفات کے دوران حکومت اور شہری اداروں کی ذمہ داری مزید بڑھ جاتی ہے لہٰذا شہر میں انفراسٹرکچر کی بہتری پر سنجیدگی سے توجہ دی جائے اور ایسے سانحات سے بچاؤکے لیے پیشگی حفاظتی اقدامات، مؤثر وارننگ سسٹم، فوری رسپانس میکانزم کو یقینی بنایاجائے۔جناب الطاف حسین نے ایم کیو ایم کے کارکنان اور عوام سے بھی اپیل کی کہ وہ مشکل کی اس گھڑی میں متاثر ین کی ہر ممکن مدد کریں۔

5/1/2026 3:01:40 PM

وہ جوعظیم بھی تھا……احمد بھی ……اورطارق بھی عظیم احمد طارق شہید کوسلام ... 01 May 2026	محنت کشوں کے عالمی دن پر پیغام ... 01 May 2026
کراچی کے شہری اپنی جان،مال واسباب کے تحفظ کے لئے لائسنس بنوائیں، قان... 30 Apr 2026	ایم کیو ایم آئرلینڈ کے زیر اہتمام ایم کیو ایم کا 42واں یوم تاسیس منای... 28 Apr 2026
مرکز اور مرکزیت ... 27 Apr 2026	ایم کیوایم کینیڈا کیلگری چیپٹرکے زیراہتمام متحدہ قومی موومنٹ کا 42واں ... 27 Apr 2026
دنیا میں پیدا ہو نے والا ہربچہ لامذہب پیدا ہوتا ہے الطاف حسین ... 22 Apr 2026	جنگ کے بادل دوبارہ منڈلانے لگے ہیں۔ اس صورتحال میں ہم پوزیٹوریزنکال سک... 20 Apr 2026
اقوام متحدہ اورعالمی برادری صدرڈونلڈ ٹرمپ کوسمجھائیں کہ وہ کشیدگی ختم... 19 Apr 2026	جنگوں کا فیصلہ عوا م نہیں حکمراں اشرافیہ یا طاقتور ادارے کرتے ہیں۔الطا... 19 Apr 2026