Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ٓٓٓآسٹریلیا کے شہرسڈنی میں ہونے والا فائرنگ کاواقعہ انتہائی قابل مذمت ہے


ٓٓٓآسٹریلیا کے شہرسڈنی میں ہونے والا فائرنگ کاواقعہ انتہائی قابل مذمت ہے
 Posted on: 12/14/2025

ٓٓٓآسٹریلیا کے شہرسڈنی میں ہونے والا فائرنگ کاواقعہ انتہائی قابل مذمت ہے جس میں متعدد افراد ہلاک وزخمی ہوئے ہیں۔ #Sidney #bondibeachsydney #bondibeachattack میں اس انتہائی قابل مذمت واقعے میں متعدد افراد کی ہلاکت پر آسٹریلیا کے وزیراعظم، ان کی حکومت اور عوام سے اپنی جانب سےاوراپنی جماعت کے لاکھوں کارکنوں کی جانب سے دلی تعزیت اور مکمل ہمدردی اوریکجہتی کا اظہارکرتاہوں اور فائرنگ میں جاں بحق ہونے والوں کے لواحقین سے دلی تعزیت کرتا ہوں اوران سے کہتاہوں کہ میں اورمیری جماعت کے لاکھوں کارکنان آپ کے پیاروں کے چلے جانے پرآپ کے غم میں برابرکے شریک ہیں اور ہم آج کے فائرنگ کے واقعہ کی شدید مذمت کرتے ہیں۔  اس واقعہ کی جوابتدائی تفصیلات سامنے آئی ہیں اس میں یہ بتایاجارہاہےکہ فائرنگ کے واقعہ میں ملوث حملہ آورمسلمان تھا جس کےبعد دنیا بھر میں مسلمانوں کے بارے میں انتہائی غلط تاثر پھیل رہا ہے۔ میں دنیا بھرکے غیرمسلموں خصوصاً آسٹریلیا کی حکومت اورعوام سے یہی کہوں گا کہ آسٹریلیا میں فائرنگ کا واقعہ حملہ آوروں کا انفرادی عمل ہے،اسے مسلمانوں کے اجتماعی عمل کےطورپر ہرگزنہیں دیکھنا چاہیے، اس واقعہ کا مسلمانوں کے اجتماعی عمل اورسوچ وفکر سےکوئی تعلق نہیں ہے۔ میں سمجھتا ہوں کہ غیرمسلموں میں خصوصاً دنیا کے ترقی یافتہ ممالک میں ہر گزرتے دن کے ساتھ مسلمانوں کے خلاف نفرت میں اضافہ ہوتا جارہا ہے لہٰذا میں دنیا بھرمیں موجوداسلامی مراکز اورمدارس کے منتظمین ،مذہبی اسکالرز اوراساتذہ سے یہ گزارش کروں گا کہ وہ اپنے درس وتدریس اور تقاریر میں طلبہ وطالبات کو اسلامی تاریخ میں فتوحات، جنگوں اورلڑائی جھگڑوں کے واقعات کوبیان کرنے کے بجائے اسلام کی اصل تعلیمات اور احترام انسانیت کی تعلیمات کوبیان کیجئے اوراپنی کسی تقریر میں جہاد ی درس اورانتہا پسندی کی تبلیغ نہ کریں بلکہ مذہبی رواداری پر زیادہ سے زیادہ زوردیں۔ الطاف حسین  ٹک ٹاک پر 364 ویں فکری نشست سے خطاب 14دسمبر 2025ء
10/18/2026 4:20:47 AM