Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

میں تحریک انصاف کے کارکنوں سے کہتا ہوں کہ کسی بھی قیمت پرعمران خان صاحب کا ساتھ نہ چھوڑنا


میں تحریک انصاف کے کارکنوں سے کہتا ہوں کہ کسی بھی قیمت پرعمران خان صاحب کا ساتھ نہ چھوڑنا
 Posted on: 10/11/2025
پی ٹی آئی کے بانی عمران خان نے صوبہ خیبرپختونخوا کے وزیراعلیٰ علی امین گنڈا پور کو باربار تنبیہ کی تھی کہ حقیقی آزادی کی جدوجہد کیلئے صوبے کے عوام اور تحریک انصاف کے کارکنوں کا ساتھ دولیکن علی امین گنڈا پورنے عمران خان کی ہدایات کا پاس نہیں رکھابلکہ اپنی کوتاہیوں اور گناہوں کا الزام عمران خان کی بہنوں پرلگانا شروع کردیا، ان پر بہتان تراشیاں شروع کردیں۔ عمران خان نے کہاکہ صوبے میں فوجی آپریشن کے بارے میں فوج سے بات کرو ، پشتون عوام پر ڈرون حملے رکواؤ لیکن علی امین گنڈا پور نے عمران خان کی ہدایت کی خلاف ورزی کرتے ہوئے کبھی فوج سے ڈٹ کر بات نہیں کی بلکہ یہی جواب دیا کہ فوج آئین اور قانون کے تحت صوبے میں فوجی آپریشن کررہی ہے میں اس آپریشن کو نہیں روک سکتا۔ دو روز قبل عمران خان نے علی امین گنڈا پور کو وزیراعلیٰ کے منصب سے ہٹاکر خیبرایجنسی کے جواں سال ایم پی اے سہیل آفریدی کو وزیراعلیٰ خیبرپختونخوا نامزد کیاتو ان کے خلاف اسٹیبلشمنٹ نے منفی پروپیگنڈہ شروع کردیا ہے، جب اس پر بھی بس نہیں چلا تو آج ڈی جی آئی ایس پی آر لیفٹننٹ جنرل احمد شریف چوہدری نے پشاور میں پریس کانفرنس میں کہاکہ فوج کیلئے ایسا وزیراعلیٰ قابل قبول نہیں ہوگا جو صوبے میں فوجی آپریشن کا ساتھ نہ دے اور فوج کے احکامات نہ مانے ۔ میرا سوال یہ ہے کہ صوبے میں کون وزیراعلیٰ بنے گا اور کون نہیں بنے گا، اس کا فوج سے کیا تعلق ہے ؟ کیایہ فوج کا کام ہے یا سیاسی جماعتوں کا کام ہے؟ میں تحریک انصاف کے کارکنوں سے کہتا ہوں کہ کسی بھی قیمت پرعمران خان صاحب کا ساتھ نہ چھوڑنا اور عمران خان نے سہیل آفریدی کو وزیراعلیٰ خیبرپختونخوا نامزد کیا ہے اس کو سپورٹ کرنا ۔ فوج کو نجانے کیا ہوگیا ہےکہ اس نے افغانستان پر فضائی حملہ کردیا ، اس حملے کو افغانستان کی حکومت نے فضائی حدود کی خلاف ورزی قراردیا ہے۔ آخرپاکستان کی فوج کیا کررہی ہے؟ عمران خان اور خیبرپختونخوا کے عوام کے خلاف کارروائی کی جارہی ہے، بلوچستان میں بے گناہ شہریوں کاقتل کیا جارہا ہے اور اب افغانستان میں بھی ایک نیا محاذ کھول دیا گیا ہے۔ آخر یہ پاکستان کوکہاں لے جاناچاہتے ہیں؟ کیا افغانستان کے عوام پاکستان کی جانب سے فضائی حملے پر خوش ہوں گے یا اس فضائی حملے کے خلاف افغانی عوام میں غم وغصہ بڑھے گا؟ کیا افغانی عوام اپنی فضائی حدود کی خلاف ورزی کا بدلہ نہیں لیں گے؟ فوج کی قیادت کو اس بارے میں سنجیدگی سے سوچنا چاہیے۔ الطاف حسین 328 ویں فکری نشست سے خطاب 10اکتوبر 2025
1/4/2026 6:17:23 PM