Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

دنیا کا نقشہ بدل رہاہے، دنیا کی سیاست بدل رہی ہے، پاکستان اور عالمی حالات وواقعات میں تیزی سے تبدیلی آرہی ہے، اورپاکستان بھی اس تبدیلی کے اثرات سے متاثر ہوئے بغیرنہیں رہ سکے گا۔


دنیا کا نقشہ بدل رہاہے، دنیا کی سیاست بدل رہی ہے، پاکستان اور عالمی حالات وواقعات میں تیزی سے تبدیلی آرہی ہے، اورپاکستان بھی اس تبدیلی کے اثرات سے متاثر ہوئے بغیرنہیں رہ سکے گا۔
 Posted on: 10/5/2025

دنیا کا نقشہ بدل رہاہے، دنیا کی سیاست بدل رہی ہے، پاکستان اور عالمی حالات وواقعات میں تیزی سے تبدیلی آرہی ہے، اورپاکستان بھی اس تبدیلی کے اثرات سے متاثر ہوئے بغیرنہیں رہ سکے گا۔ آپ نے دیکھاہوگا کہ چندروزپہلے امریکہ کے صدر ڈونلڈٹرمپ نے پاکستان کے فیلڈمارشل عاصم منیر اوروزیراعظم شہبازشریف کے لئے تعریفی کلمات اداکرتے ہوئے What a wonderful guy  اور He is very good guy  جیسے جملے استعمال کئے ۔ پھراچانک وزیراعظم شہباز شریف کو ملاقات کے لئے وہائٹ ہاؤس بلایا گیا۔ شہبازشریف کاریڈکارپیٹ کے ذریعے شاندار استقبال کیا گیا۔اس ملاقات میں فیلڈمارشل عاصم منیر بھی شریک ہوئے ۔ صدرٹرمپ سے جھپیاں ڈالی گئیں ، بغل گیرہوئے قہقہے لگائے گئے ۔جس کے بعد صدرڈونلڈٹرمپ نے فیلڈمارشل عاصم منیر اور وزیراعظم شہبازشریف کے لئے کئی بار اعلانیہ تعریف کی ۔ ان تعریفی کلمات کوسنکر فیلڈ مارشل عاصم منیر اوروزیراعظم شہباز شریف نے اسرائیل کوتسلیم کرنے کاوعدہ کرلیا اور انہیں یقین دلادیاکہ جوامریکہ کا فیصلہ ہوگاوہ پاکستان کافیصلہ ہوگااورہم جواب میں کوئی مطالبہ نہیں رکھیں گے۔ لوگ سمجھے کہ فیلڈ مارشل عاصم منیر اوروزیراعظم شہبازشریف کی امریکی صدرڈونلڈٹرمپ سے پکی دوستی ہوگئی ہے۔ان کومزید طاقت مل جائے گی،حالات ان کے مزیدحق میں چلے جائیں گے، اب شہباز شریف اور فیلڈ مارشل عاصم منیرتاحیات رہیں گے اورعمران خان تاحیات جیل میں رہیں گے۔میں نے کہا کہ ہردن نئی چیزلیکرآسکتاہے۔ آگے آگے دیکھئے ہوتاہے کیا۔   اس کے بعد امریکی صدرکی جانب سے غزہ کے لئے 20نکاتی امن منصوبے کااعلان ہواتو وزیراعظم  شہبازشریف نے اس کی تفصیلات سامنے آنے سے پہلے ہی صدرٹرمپ کوخوش کرنے کے لئے اپنے ٹوئیٹ میں اس کی بھرپورحمایت کا اعلان کردیاجس میں فلسطین کی ریاست کے قیام کا کوئی زکرنہیں تھا۔ فیلڈمارشل کی جانب سے بھی اس امن منصوبے کوخوش آئند قراردیدیا ۔ کسی نے نہیں سوچاتھاکہ یہ حالات اتنی تیزی سے پلٹا کھائیں گے کہ اس 20نکاتی امن منصوبے سے حالات پر ایسااثرپڑے گااورایسی صورتحال پیدا ہوجائے گی اورعوام میں ایساغم وغصہ پیداہوگا کہ وزیراعظم اورفیلڈمارشل منظرعام سے غائب ہوجائیں گے اوروزیرخارجہ اسحاق ڈارکوپریس کانفرنس اور قومی اسمبلی میں وضاحتیں کرتے ہوئے یہ کہنا پڑے گا کہ صدرٹرمپ کا20نکاتی امن منصوبہ وہ نہیں جس کے مسودے پر ہم نے اتفاق کیاتھا، ہم نے اسرائیل کوتسلیم نہیں کیا۔  آج فوج کے آئی ایس پی آرکی جانب سے بھی یہ بیان آیاہے کہ ہم نے اسرائیل کوتسلیم نہیں کیااورہم ایساکوئی فیصلہ نہیں کریں گے جوعوام کی خواہشات اورامنگوں کے خلاف ہو۔  کسی نے نہیں سوچاتھا کہ صدرٹرمپ جوکل تک وزیراعظم شہبازشریف اورفیلڈمارشل کی تعریفیں کررہے تھے انہوں نے امن منصوبے پر حماس کے جواب پر قطر، سعودی عرب، ترکی ،مصراوراردن کا نام لیکرشکریہ تواداکیا لیکن پاکستان کانام نہیں لیا۔  آج نائب وزیراعظم اسحق ڈار قوم کوبیوقوف بنانے کے لئے کہہ رہے ہیں کہ ہم نے صدرٹرمپ کے 20 نکاتی امن منصوبے پر دستخط نہیں کئے جبکہ صدرٹرمپ نے خود بیان دیاتھاہے کہ پاکستان سمیت اسلامی ممالک نے اس منصوبے پر دستخط کئے ہیں۔  میں کہتا ہوں کہ دنیا کا نقشہ بدل رہاہے ، دنیا کی سیاست بدل رہی ہے جس کے اثرات ہرجگہ پڑیں گے۔میں ایم کیوایم کے کارکنوں سے کہتاہوں کہ وہ مایوس نہ ہوں اوراپنی جدوجہد جاری رکھیں،پیغام کوآگے بڑھا تے رہیں،اپنی تحریک کوجاری رکھیں، بہت جلد ایسے حالات ہوں گے کہ کسی وقت بھی بند دروازے کھل سکتے ہیں اورہمارے ساتھی بھی کھل کراپناسیاسی کام کرنے میں آزاد ہوں گے۔  میں اپنے ساتھیوں سے کہتا ہوں کہ وہ اس بات پر یقین رکھئے کہ شہیدوں کا لہورنگ لاتا ہے اورحق کی فتح ہوتی ہے ۔  الطاف حسین  ٹک ٹاک پر فکری نشست 325 سے خطاب 4  اکتوبر 2025 (مکمل خطاب دیکھئے) youtu.be/X7F84RCpvC8?si
4/20/2026 6:51:00 AM