Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کراچی سب سے زیادہ ریونیودینے والا شہر ہے لیکن کراچی کے ساتھ ہردورمیں حق تلفیاں کی گئی ہیں اورآج بھی کی جارہی ہیں۔
 Posted on: 9/13/2025

کراچی سب سے زیادہ ریونیودینے والا شہر ہے لیکن کراچی کے ساتھ ہردورمیں حق تلفیاں کی گئی ہیں اورآج بھی کی جارہی ہیں۔قیام پاکستان کے بعد کراچی ملک کا دارالحکومت تھا لیکن بانی پاکستان قائداعظم محمدعلی جناح کوایک سازش کےتحت سلوپوائزن دیکر راستے سے ہٹانے اوران کےدستِ راست خان لیاقت علی خان کے قتل کے بعد ملک پر انگریزوں کے وفادارجنرل ایوب خان نے ملک میں مارشل لالگا دیا جن کے دورحکومت میں 1959میں ملک کا دارالخلافہ کراچی سے اسلام آباد منتقل کردیا گیا۔اسی دورسے پاکستان میں مہاجرں کے ساتھ حق تلفیوں اورناانصافیوں کاسلسلہ شروع کردیا گیا۔ملک کاانتظامی ڈھانچہ کھڑا کرنے والے مہاجروں کوسول سروسز سے نکالاجانے لگا اورجنرل ایوب خان کے بعد جنرل یحییٰ خان کے دورمیں بھی یہ سلسلہ جاری رہا۔ جس کے بعد رہی سہی کسر پیپلزپارٹی کے بانی ذوالفقارعلی بھٹو نے پوری کردی۔ درحقیقت پیپلزپارٹی ایک کراچی دشمن جماعت ہے، اس کی تاریخ کراچی حیدرآباد دشمنی سے بھری پڑی ہے، پیپلزپارٹی گزشتہ 50سال سے بلاشرکت غیرے سندھ میں حکومت میں رہی ہے اور 2008ء سے سندھ میں مستقل اس کی حکومت ہےلیکن گزشتہ 17سالوں میں پیپلز پارٹی کے وڈیروں نےلوٹ ماراورکرپشن کابازار گرم کرکے کراچی کوموئنجودڑوبنا دیا ہے۔ کراچی اورحیدرآباد سب سے زیادہ ریونیو دیتا ہےلیکن اس کی ترقی پر ایک فیصد بھی خرچ نہیں کیاجاتا، ساراپیسہ پیپلزپارٹی کی زرداری مافیا کھاجاتی ہے۔ پیپلزپارٹی کے وڈیروں نے سندھ کےخزانے پر اتنا ڈاکہ ڈالاہےکہ انہوں نےکچے کے ڈاکوؤں بھی پیچھے چھوڑدیا ہے۔ایم کیوایم نے اپنے دورمیں کراچی میں پل، فلائی اورز، سڑکیں اورباغات بناکر شہرکا نقشہ بدل دیاتھالیکن گزشتہ 17سالوں میں پیپلزپارٹی نے کراچی کوتباہ وبربادکرکے رکھ دیا ہے۔ یہ پیپلزپارٹی کے وڈیرہ مافیا کی کراچی دشمنی ہے۔  پیپلزپارٹی کی نسل پرست حکومت اوراس کی وڈیرہ مافیا صرف مہاجروں پر ہی ظلم نہیں کررہی ہے بلکہ اپنی کراچی دشمنی کے ذریعے پورے شہر کوتباہ وبرباد کررہی ہےلہٰذا میں کراچی کے تمام شہریوں خواہ وہ مہاجر ہوں، پنجابی ہوں، پختون ہوں، بلوچ ہوں، غریب سندھی ہوں یا کسی بھی قوم سے تعلق رکھتے ہوں، وہ نیوکراچی ،لیاقت آباد لانڈھی، کورنگی میں رہتے ہوں یا ڈیفنس کلفٹن سوسائٹی جیسے علاقوں میں رہتے ہوں، میں ان سب سے اپیل کرتاہوں کہ وہ کراچی دشمن پیپلزپارٹی وڈیرہ مافیا سے نجات کےلئے اورشہر کے حقوق کے لئے متحد ہوجائیں، اپنے شہرکےحقوق کے لئے آواز اٹھائیں اورمتحد ہوکر جدوجہد کریں۔ جب تک کراچی میں پیپلزپارٹی مافیا کی حکومت رہےگی، کراچی کوکچھ نہیں ملے گا، یہ وڈیرے شہر کو لوٹتے رہیں گے اورشہرتباہ ہوتارہے گا۔   میں چیف آف آرمی اسٹاف فیلڈ مارشل عاصم منیر سے اپیل کرتاہوں کہ وہ کراچی اورسندھ کولوٹ مار کرنے والی پیپلزپارٹی کی مافیا سے نجات دلائیں، کراچی اورشہری سندھ کواس کے حقوق دلائیں، کراچی آکر علاقوں میں جاکر عوام سے خود پوچھیں کہ پیپلزپارٹی کی اس ڈاکواورشاؤنسٹ حکومت  کراچی کے ساتھ کیا کیاظلم ڈھارہی ہے۔  میں فیلڈ مارشل عاصم منیر سے یہ بھی اپیل کرتا ہوں کہ وہ پورے ملک کو نواز زرداری لوٹ مارے کےاتحاد کو ختم کیاجائے ، ملک کوان لٹیروں سے نجات دلائی جائے ، عمران خان اوران کے ساتھیوں کو رہاکیا جائے،ایم کیوایم پر ناجائزاورغیرآئینی پابندیاں ختم کی جائیں، ایم کیوایم کے بے گناہ کارکنوں کو رہاکیا جائے، لاپتہ کارکنوں کو بازیاب کیاجائے، بلوچستان میں آپریشن بند کیاجائے،ماہ رنگ بلوچ اوران کے ساتھیوں کورہا کیاجائے، خیبرپختونخوا میں ڈرون حملے بندکئے جائیں، سب کوپاکستانی سمجھیں اور بندوق کے استعمال کے بجائے عوام کے دلوں کوجیتیں۔  الطاف حسین  ٹک ٹاک پر 315ویں فکری نشست سے خطاب 12ستمبر 2025 (مکمل خطاب دیکھنے کیلئے اس لنک پر کلک کیجئے 👇)
youtu.be/DOqENZP0qNg?si
9/25/2025 12:45:17 PM