Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

فیلڈ مارشل عاصم منیر صاحب ایم کیو ایم کے بے گناہ شہریوں پر ظلم کا سلسلہ بند کرائیں


فیلڈ مارشل عاصم منیر صاحب ایم کیو ایم کے بے گناہ شہریوں پر ظلم کا سلسلہ بند کرائیں
 Posted on: 9/14/2025

فیلڈ مارشل عاصم منیر صاحب ایم کیو ایم کے بے گناہ شہریوں پر ظلم کا سلسلہ بند کرائیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گزشتہ دنوں عیدمیلاد النبی ۖ کے موقع پر ایم کیوایم کےکارکنان کےساتھ پیش آنے والے واقعات اور گرفتاریوں نےماضی کی تلخ یادیں تازہ کردیں۔ پاکستان میں 12 ربیع الاوّل کی تقاریب جاری تھیں، ایم کیوایم کےکارکنان نے کراچی، حیدرآباد، میرپورخاص، سکھر، نواب شاہ ، سانگھڑ اور سندھ کے دیگر شہری علاقوں میں سرکاردوعالم ۖ سے عقیدت ومحبت کے اظہار کیلئے محفل میلاد کا اہتمام کیا،کئی جگہوں پر ان مقدس تقاریب میں خلل ڈالا گیا اور بعد میں محفل میلاد کے انتظامات کرنے والےکارکنان کے گھروں کی گرفتاریوں کا سلسلہ شروع کردیاگیا۔   ان افسوسناک واقعات سے مجھے وہ زمانہ یاد آگیاجب ایم کیوایم کے خلاف فوجی آپریشن جاری تھا، اس دوران ایم کیوایم کی جانب سے محفل میلاد النبیۖ کے سلسلے میں کیمپس لگائے جاتے یا قرآن خوانی کے اجتماعات منعقد کئے جاتے تھے تو فوجی اہلکار وہاں پہنچ کران اجتماعات کو تہس نہس کردیتے،خواتین کے ہاتھوں سے سپارے چھین لیے جاتے، انہیں زدوکوب کیاجاتا تھاحتیٰ کہ مساجد میں تراویح کی نماز ادا کرتے ہوئے اور اعتکاف میں بیٹھےکارکنان تک کو گرفتار کرلیا جاتا تھا۔ گزشتہ دنوں پھر اسی قسم کے افسوسناک واقعات دہرائے گئے جو انتہائی افسوسناک ہیں۔میں فیلڈ مارشل عاصم منیر صاحب سے سوال کرنا چاہتا ہوں کہ کیا ایم کیوایم کے کارکنان کی جانب سے عیدمیلا دالنبی ۖ منانا جرم ہے؟ کیا جشن عیدمیلاد النبی کے موقع پر محفل میلاد کا انعقاد کرکے کیاایم کیوایم کے کارکنوں نے کوئی گناہ کیا تھا؟ ایم کیوایم کے بے گناہ کارکنوں کو کیوں گرفتارکیاجارہاہے ۔ پیپلزپارٹی کی حکومت نے بھی یہ طے کرلیا ہے کہ وہ ایم کیوایم کے کارکنان کو کسی بھی قسم کی سرگرمیاں کرنے کی اجازت نہیں دے گی ۔  فیلڈ مارشل عاصم منیر صاحب حافظ قرآن ہیں اورمیں انہیں قرآن مجید کا واسطہ دیتا ہوں کہ آپ فوج کے مقامی افسران اور پیپلز پارٹی کی حکومت کو تنبیہ کریں کہ وہ ایسے اقدامات سے گریز کریں کیونکہ یہ معاملہ ذکرِ مصطفی ۖ کا ہے ، لوگوں کو سرکاردوعالم سے عقیدت ومحبت کے اظہار سے روکنا اور اس پر انہیں گرفتارکرنا عذاب الہٰی کو دعوت دینےکے مترادف ہے۔فیلڈ مارشل صاحب بے گناہ شہریوں پر ظلم کا سلسلہ بند کرائیں اور ایم کیوایم کےتمام گرفتارشدگان کو فی الفور رہاکروائیں۔  الطاف حسین  ٹک ٹاک پر 316ویں فکری نشست سے خطاب 13، ستمبر2025 Watch complete study circle 👇 youtu.be/BqU16oRTkIQ?si
10/17/2025 6:05:31 PM