ایم کیوایم کے رہنماؤں نثار احمد پنہور اور انور خان ترین کی پراسرار گمشدگی انتہائی قابل تشویش ہے
۔۔۔۔۔۔۔۔۔۔۔۔۔۔۔۔۔۔۔۔۔
ایم کیوایم کے رہنما نثار احمد پنہور اور انور خان ترین کی پراسرار گمشدگی انتہائی قابل تشویش ہے۔ اطلاعات کے مطابق آج مورخہ 16ستمبر 2025ء کو انور خان ترین تقریباً دوپہر ڈھائی بجے نثار احمد پنہور کے گھر پہنچےتھےجہاں سے انہوں نے نثار پنہور کو اپنے ہمراہ لیا اور دونوں کسی تنظیمی پروگرام میں شرکت کیلئے روانہ ہوئے لیکن اس کے بعد سے دونوں لاپتہ ہوگئے، دونوں رہنماؤں کے اہل خانہ اور ایم کیوایم سیکریٹریٹ لندن کی جانب سے نثار احمد پنہور اور انور خان ترین سے رابطہ کرنے کی کوشش کی گئی لیکن ان کے فون مسلسل بند تھےجس کے باعث ان سے رابطہ نہیں ہوسکا۔
اس واقعے کی اطلاع ملتے ہی میں نے نثار پنہور اور انور ترین کے اہل خانہ سے ٹیلی فون پر رابطہ کیا اور انہیں ہدایت دی کہ فوری طور پر 15پر دونوں رہنماؤں کی گمشدگی کی رپورٹ کریں جس کے بعد ان کے اہل خانہ نے 15پر نثار پنہور اور انور ترین کی گمشدگی کی رپورٹ درج کرادی ہے۔
علاوہ ازیں میں نےایم کیوایم لیگل ایڈ کمیٹی کے وکلاء کو بھی ہدایت کی ہے کہ وہ نثار احمد پنہور اور انور خان ترین کی بازیابی کیلئے قانونی اقدامات شروع کردیں۔
الطاف حسین