Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

تمام ترریاستی مظالم کےباوجود میرے وفاپرست کارکنوں نےاپنےقائد کی سالگرہ جس بھرپور انداز میں منائی ہےاس نےایک بارپھرثابت کردیاہےکہ تمام ترمظالم کے باوجودMQM کوختم نہیں کیاجاسکا اور میرے سچے وفاپرست ساتھی آج بھی اپنے قائد سےجڑے ہوئے ہیں
 Posted on: 9/18/2025

تمام ترریاستی مظالم کےباوجود میرے وفاپرست کارکنوں نےاپنےقائد کی سالگرہ جس بھرپور انداز میں منائی ہےاس نےایک بارپھرثابت کردیاہےکہ تمام ترمظالم کے باوجودMQM کوختم نہیں کیاجاسکا اور میرے سچے وفاپرست ساتھی آج بھی اپنے قائد سےجڑے ہوئے ہیں #ہمارا_مقدر_17ستمبر پاکستان میں آج تک کسی بھی سیاسی جماعت کےرہنما کے گھرپر 10سالوں تک پہرہ نہیں رہا،میرے گھر اورتحریک کےمرکز نائن زیرو کو 2016ء میں سیل کیا گیا پھر 2022ء میں اسے آگ لگادی گئی اور بعد میں بلڈوز کردیاگیا۔میرے ہزاروں ساتھیوں کو ماورائے عدالت قتل کردیا گیا، سینکڑوں ساتھیوں کو لاپتہ کیاگیا۔سینکڑوں ساتھیوں کو جھوٹے مقدمات میں جیلوں میں قید کیاگیا۔ ہم پر ریاستی جبرکایہ عالم ہے کہ میرے ساتھی 14اگست کو پاکستان کاجشن آزادی منانے جمع ہوں یا عید میلادالنبی ۖ پر لنگرتقسیم کریں یایوم شہداء پر فاتحہ خوانی کے لئے جائیں یاکسی پرامن تنظیمی سرگرمی کے لئے نکلیں توانہیں گرفتارکیا جاتا ہے۔گزشتہ روز بھی ایم کیوایم کی کوآرڈی نیشن گروپ کے رہنماؤں نثار پہنور اورانورخان ترین کو اغوا کرکےلاپتہ کردیاگیا۔جبکہ کراچی اور حیدرآباد سے بھی کارکنوں کولاپتہ کیاگیاہے۔ تاکہ میرے چاہنےوالوں کو ڈرا دھمکا کر اپنی جدوجہد سے روکاجائے۔ لیکن ان مظالم کے باوجود میرے وفاپر ست ساتھیوں، ماؤں بہنوں، بزرگوں، نوجوانوں اوربچوں نے 17ستمبر کو جس طرح کراچی، حیدرآباد، سکھر، میرپورخاص ، نوابشاہ ، دیگر شہروں کےساتھ ساتھ پنجاب، خیبرپختونخوا ، آزادکشمیر میں اپنے قائد کی سالگرہ منائی، تجدیدعہد وفاکیا اورجس جوش وجذبے کا مظاہرہ کیااس پر وہ زبردست خراج تحسین کے مستحق ہیں۔ یہ اس بات کی دلیل ہے کہ سچے نظریے کوختم نہیں کیاجاسکتا۔  میرے ساتھی مصائب و مشکلات کاشکارہیں لیکن ثابت قدم ہیں، جیلوں میں اسیرہیں لیکن آج بھی الطاف حسین سے جڑے ہوئے ہیں، برسوں سے اذیتوں اورمشکلوں میں رہنے کے باوجود میرے  وفاپرست ساتھی تحریک سے جڑے رہ کر ثابت قدمی اورعظمت کی بلندیوں پر ہیں۔ان کی یہ ثابت قدمی اپنے حقوق کے لئے جدوجہد کرنے والی دیگر مظلوم قوموں کے لئے ایک مشعل راہ ہے۔مؤرخ لکھے گا کہ الطاف حسین کے وفا پرست ساتھیوں نے کس طرح ثابت قدمی کامظاہرہ کیا، ان کی یہ ثابت قدمی اور وفاپرستی دیگرلوگوں کوبھی حوصلہ دے گی۔  تمام ترریاستی جبر کے باوجود میرے ساتھیوں کی ثابت قدمی نے ثابت کردیا ہے کہ تمام رکاوٹوں سازشوں اورمظالم کے باوجود سچے نظریہ کو ختم نہیں کیا جاسکتا، لوگوں کو ماراجاسکتا ہے لیکن سچے نظریہ کوکسی گولہ بارود سے ختم نہیں کیا جاسکتا،اس کے سچے ماننے والے اپنے نظریے پر ڈٹے رہتے ہیں۔  17ستمبر پرانٹرنیشنل سیکریٹریٹ لندن اور دنیابھر میں ہونے والے اجتماعات وفاپرستوں کی تحریک سے سچی وابستگی کاثبوت ہے۔ تمام ترمظالم کے باوجود میرے ساتھیوں، ماؤں بہنوں، بزرگوں اوربچوں نے جس طرح سالگرہ منائی، اس پر میں ان کودل کی گہرائیوں سے خراج تحسین پیش کرتاہوں اور ان کے لئے دعاگوہوں کہ اللہ تعالیٰ انہیں اپنے نظریہ پر قائم رکھے ۔ میں اپنے وفاپرست ساتھیوں سے یہی کہوں گاکہ وہ عزم وحوصلے اورثابت قدمی کے ساتھ اپنی جدوجہد جاری رکھیں،انشاء اللہ ایک دن ظلم کی یہ سیاہ رات ختم ہوگی اورحق اورسچ کاسورج طلوع ہوگا۔  الطاف حسین 72ویں سالگرہ پر انٹرنیشنل سیکریٹریٹ لندن میں تقریب سے خطاب 17ستمبر 2025
10/26/2026 7:42:05 PM