چیف آف آرمی اسٹاف جنرل عاصم منیر صاحب کے نام الطاف حسین کاکھلا خط

Posted on: 2/26/2025

26 فروری 2025 چیف آف آرمی اسٹاف جنرل عاصم منیر صاحب کے نام الطاف حسین کاکھلا خط محترم چیف آف آرمی اسٹاف جنرل حافظ عاصم منیر صاحب ! السلام علیکم آداب عرض #ReleaseAnwarKhanTareen میں آپ کے علم میں یہ بات لاناچاہتاہوں کہ متحدہ قومی موومنٹ کےسینئر پشتون رہنما انورخان ترین کو21 فروری 2025ء کی رات دس بجے رینجرز نے کراچی میں ان کےگھرپر چھاپہ مارا اورانہیں گرفتار کرکےنامعلوم مقام پر لے گئی لیکن پانچ دن گزرجانے کے باوجود تاحال وہ لاپتہ ہیں۔ان کی گرفتاری کے خلاف ان کی اہلیہ کی جانب سے سندھ ہائیکورٹ میں ایک پٹیشن داخل کی گئی جس کی سنوائی آج مورخہ 26فروری کوجب ہوئی تو جج صاحب نے اگلی سماعت کےلئے 18مارچ کی تاریخ دیدی ہے ۔ جنرل صاحب ! انورخان ترین گھرکے واحد کفیل ہیں اوران کےبیوی بچے سخت ذہنی کرب واذیت کا شکارہیں جبکہ حقائق یہ ہیں کہ انورخان ترین ایک معزز شہری ہیں اور ان پر کبھی کوئی مقدمہ نہیں بناہے۔ پہلی مرتبہ ان کے گھرپر نامعلوم وجوہات کی بنیاد پر چھاپہ مارکرانہیں گرفتارکیاگیا۔ یہ بات درست ہے کہ وہ ایم کیوایم کے ایک سینئرپشتون رہنماہیں اورPTM نے حکومت سے مذاکرات کے لئے مختلف جماعتوں پر مشتمل جوجرگہ بنایاہے اس میں متحدہ قومی موومنٹ کی جانب سے انورخان ترین کوبھی شامل کیاگیا ہے۔ یہ بات بھی درست ہے کہ میں نے اپنے کارکنوں اورہمدردوں سے اپیل کی تھی کہ وہ مجھ سے یکجہتی، اتحاد اورحمایت کےلئے '' ایک روپیہ '' فنڈ دے کر تعاون کریں۔ انورخان ترین بھی دیگرکارکنوں کے ساتھ اس یکجہتی مہم میں شریک تھے۔میں یہ وضاحت کرنا ضروری سمجھتاہوں کہ انورخان ترین ایک قانون پسند شہری ہیں اورانہو ں نے کبھی کسی بھی غیرآئینی یا غیرقانونی کام میں حصہ نہیں لیا۔ جنرل صاحب ! میری بصد ِ ادب آپ سے درخواست ہے کہ آپ انورخان ترین کی رہائی کےلئے متعلقہ حکام کواحکامات دے کران کی رہائی کوبراہِ کرم یقینی بنائیں اوران کی اہلیہ اور بچوں کو ذہنی کرب واذیت سے نجات دلائیں۔ اس کےعلاوہ میری آپ سےیہ بھی درخواست ہے کہ آپ 9دسمبر 2024ء کویوم شہدا کے موقع پر گرفتار کئےگئے ایم کیوایم کے کارکن محمد کامران کباڑی اور گزشتہ چندروز کے دوران گرفتارکرکے لاپتہ کئےگئے دیگر کارکنوں کی رہائی کےلئے بھی احکامات صادر فرمائیں۔ بہت بہت شکریہ احقر الطاف حسین بانی وقائد متحدہ قومی موومنٹ 185 Whitchurch Lane Edgware Middlesex, HA8 6QT Email : [email protected] Website : mqm.org Phone : 0044-208-9527300 Watsup : +44-7908 510556

12/4/2025 12:04:22 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025