Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کے ای ایس سی کی جانب سے پمپنگ اسٹیشنوں کو اچانک بجلی کی سپلائی منقطع کرنے کے نتیجے میں شہر میں پانی کی سپلائی بند ہونے پر ارکان سندھ اسمبلی کا اظہار تشویش


کے ای ایس سی کی جانب سے پمپنگ اسٹیشنوں کو اچانک بجلی کی سپلائی منقطع کرنے کے نتیجے میں شہر میں پانی کی سپلائی بند ہونے پر ارکان سندھ اسمبلی کا اظہار تشویش
 Posted on: 11/20/2013
کے ای ایس سی کی جانب سے پمپنگ اسٹیشنوں کو اچانک بجلی کی سپلائی منقطع کرنے کے نتیجے میں شہر میں پانی کی سپلائی بند ہونے پر ارکان سندھ اسمبلی کا اظہار تشویش 
دونوں اداروں کی انتظامیہ کراچی کے شہریوں کو نشانہ بنانے کا عمل بند کرے اور واجبات کی لین دین کی ادائیگی کے معاملات بیٹھ کر حل کریں 
کراچی کے شہری ہر ماہ باقاعدگی سے بجلی اور پانی کے بل جمع کرواتے ہیں اس کے باوجود انہیں نشانہ بنانے کا عمل کھلی زیادتی ہے
حکومت سندھ دونوں اداروں کے درمیان معاملات طے کرانے میں کردار ادا کریں اور شہریوں کو عذاب سے نجات دلائیں
کراچی ۔۔۔۔20؍نومبر2013
حق پرست ارکان اسمبلی نے کراچی الیکٹرک سپلائی کمپنی کی جانب سے واٹر اینڈ سیوریج بورڈ کراچی کی تمام پمپنگ اسٹیشنوں کو بجلی کی سپلائی منقطع کرنے کے نتیجے میں شہر کے مختلف علاقوں میں پانی کی سپلائی بند ہونے پر گہری تشویش کا اظہار کیا ہے اور اسے کراچی کے شہریوں کے ساتھ سراسر ناانصافی قرار دیا ہے ۔ ایک بیان میں انہوں نے کہا کہ کے ای ایس سی اورواٹر بورڈ کے درمیان واجبات کی ادائیگی کے تنازعات خطرناک صورت اختیار کرگئے ہیں جبکہ کے ای ایس سی کی جانب سے واٹر بورڈ کے تمام پمپنگ اسٹیشنوں کی بجلی اچانک منقطع کیے جانے سے 2کروڑ سے زائد آبادی کے شہر میں پانی کی سپلائی بھی مکمل طور پر بند ہوکر رہ گئی ہے اور شہری پانی کیلئے پریشان ہیں۔ انہوں نے کہا کہ کراچی کے شہری تمام مالی پریشانوں کے ہر ماہ بجلی اور پانی کے بھاری مالیت کے بل باقاعدگی سے جمع کراتے ہیں جبکہ انہیں بل جمع کروانے کے باوجود پانی کی سہولت سے محروم کیے جانے کا عمل انتہائی افسوسناک ہے۔ انہوں نے کہا کہ ایک ایسے وقت میں جب شہری بجلی کی طویل دورانیہ لوڈ شیڈنگ سے تنگ ہیں کراچی الیکٹرک سپلائی کمپنی کی جانب سے واٹر بورڈ کے پمپنگ اسٹیشنوں کی بجلی منقطع کیے جانے سے شہری بجلی کے ساتھ ساتھ پانی کی فراہمی سے محروم ہوجائیں گے جس کی جتنی بھی مذمت کی جائے کم ۔ ارکان سندھ اسمبلی نے کہا کہ کراچی الیکٹرک سپلائی کمپنی اور واٹر بورڈ کراچی کی انتظامیہ کراچی کے شہریوں کو تنگ کرنے کے بجائے واجبات کی لین دین کی ادائیگی کے معاملات بیٹھ کر حل کریں اور شہریوں کو نشانہ بنانے کا عمل بند کریں۔ انہوں نے حکومت سے کہا کہ وہ اس حوالے سے اپنا کردار ادا کریں اور شہر میں پانی کی قلت کا نوٹس لے۔ ارکان سندھ اسمبلی نے گورنر سندھ ڈاکٹر عشرت العباد اور وزیراعلیٰ سندھ سید قائم علی شاہ سے مطالبہ کیا کہ کراچی الیکٹر سپلائی کمپنی کی جانب سے واٹر بورڈ کے پمپنگ اسٹیشنوں کی بجلی منقطع کرنے کے باعث شہر میں پانی کی فراہمی بند ہونے کا نوٹس لیا جائے اور دونوں اداروں کے معاملات میں بیٹھ کر حل کرائیں جائیں ۔

9/27/2016 5:21:10 PM