فلسطین - اسرائیل تنازعے کے بارے میں ایم کیوایم کے بانی وقائدجناب الطاف حسین کے تحقیقی مقالے کااجرا جناب الطاف حسین نے خطاب میں اپنے ہاتھ سے تحریرکردہ مقالہ حاظرین کو دکھایا

لندن …  13نومبر 2023ئ

فلسطین - اسرائیل تنازعے کے بارے میںتاریخی حقائق پر مبنی ایم کیوایم کے بانی وقائدجناب الطاف حسین کے تحقیقی مقالے کااجراء آج بروز پیرکردیاگیا۔ اپنے اس اہم تحقیقی مقالے کااجراء جناب الطاف حسین نے پیر کی شام اپنے لائیو وڈیو خطاب میںکیا۔ تحقیقی مقالے کایہ اجراء سوشل میڈیا کے ذریعے پاکستان اورمختلف ممالک میں براہ راست دیکھاگیا۔ جناب الطاف حسین نے اپنے خطاب میں تحقیقی مقالے کے بارے میں ناظرین کوبتایاکہ فلسطین میں جوکچھ ہورہاہے اسے دیکھ کرمیں مجبورہواکہ میں اس پر کچھ لکھوںاورلوگوں کو اس تنازعے کی تاریخ اوراس کے حقائق کے بارے میں بتاؤں۔ انہوں نے کہاکہ اس مقالے کی تیاری میں ایک ماہ سے زیادہ عرصہ لگا ، اس کے دوران تاریخی حوالوں اوران کی تصدیق کے لئے کئی کتابوں اور مختلف آن لائن سائٹس پر وزٹ کیاگیا ۔جناب الطاف حسین نے اپنے ہاتھ سے تحریرکردہ مقالہ بھی حاظرین کودکھایا۔ اس کے ساتھ ساتھ مقالے کی کمپوزنگ اوراس کئی فائلیںبھی دکھاتے ہوئے کہاکہ اس مقالے کی تیاری میں بہت محنت کی گئی ۔ انہوں نے تمام ناظرین خصوصاًنوجوانوںسے کہاکہ وہ اس تحقیقی مقالے کابغور مطالعہ کریں تاکہ وہ فلسطین کی تاریخ کے ساتھ ساتھ فلسطین اور اسرائیل کے تنازعے کی تاریخ اوراس کے پس منظر اورحقائق جان سکیں۔جناب الطاف حسین نے تحقیقی مقالے کی ریڈنگ، کمپوزنگ اورتیاری کے سلسلے میں بھرپور محنت کرنے پر رابطہ کمیٹی کے کنوینر مصطفےٰ عزیزآبادی اورایم کیوایم کے نیشنل و انٹرنیشنل انفارمیشن سیکریٹری قاسم علی رضا کو گلے لگاکر خصوصی شاباش پیش کی اور دعائیں دیں۔ اس موقع پر مصطفےٰ عزیزآبادی اور قاسم علی رضا نے رابطہ کمیٹی کے ارکان سفیان یوسف، افتخارحسین اور ارشدحسین کے ہمراہ جناب الطا ف حسین کو مقالے کی کاپی پیش کی ۔ جناب الطا ف حسین نے مقالے کی کاپی نکال کرتمام ناظرین کوبھی دکھائی ۔ جناب الطاف حسین نے وڈیولنک کے ذریعے تقریب اجراء میں موجود رابطہ کمیٹی کے ڈپٹی کنوینرز شاہد رضا، ریحان عبادت ، رابطہ کمیٹی کے سینئرایڈوائزر ڈاکٹرندیم احسان اور رابطہ کمیٹی کے ارکان محفوظ حیدری ، علی تراوش، عاطف شمیم اورحسان بٹ کوبھی تحقیقی مقالے کے سلسلے میں کاوشیں کرنے پر فرداًفرداً شاباش پیش کی ۔

٭٭٭٭٭