مجھ سمیت ایم کیوایم کے تمام کارکنان داؤد فیملی کے غم میں برابر کے شریک ہیں، الطاف حسین

لندن۔۔۔24، جون2023ئ

متحدہ قومی موومنٹ کے بانی وقائد جناب الطاف حسین نے ٹوریسٹ سب میرین کے المناک حادثے میں پاکستانی نژاد بزنس مین شہزادہ داؤداورانکے جواں سالہ صاحبزادے سلیمان داؤد سمیت دیگر افرادکے جاں بحق ہونے پر گہرے دکھ اور افسوس کااظہارکیا ہے ۔ ایک بیان میں جناب الطاف حسین نے کہا کہ داؤد فیملی نے سائنس، صنعت اورصحت کے شعبوں میں گرانقدرسماجی خدمات انجام دی ہیںجوکہ ناقابل فراموش ہیں۔ ٹائٹن حادثے میں داؤد فیملی کے دوارکان کے جاں بحق ہونے کی المناک خبر دنیابھرمیں مقیم پاکستانیوںکیلئے گہرے دکھ اور صدمے کاباعث ہے ۔ جناب الطاف حسین نے سب میرین کے المناک حادثے میں شہزادہ داؤد اور ان کے جواں سالہ صاحبزادے سلیمان داؤد کے جاں بحق ہونے پرداؤد فیملی کے تمام سوگوار ان سے دلی تعزیت وہمدردی کااظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان داؤد فیملی کے غم میں برابر کے شریک ہیں ۔ جناب الطاف حسین نے دعا کی اللہ تعالیٰ شہزادہ داؤد اور ان کے صاحبزادے سلیمان داؤد کے درجات بلندفرمائے ، انہیں جنت الفردوس میں اعلیٰ مقام عطا کرے اور سوگوار لواحقین کو صبرجمیل عطا کرے ۔ جناب الطاف حسین نے ٹائٹن سب میرین کے حادثے میں جاں بحق ہونے والے دیگر افراد کے سوگوارلواحقین سے بھی دلی تعزیت اورہمدردی کااظہارکیا۔

٭٭٭٭٭