Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

متحدہ قومی موومنٹ ملک بھر کی طرح بلوچستان سے بھی بلدیاتی انتخابات میں بھر پور حصہ لے گی، یوسف شاہوانی


 Posted on: 11/5/2013
متحدہ قومی موومنٹ ملک بھر کی طرح بلوچستان سے بھی بلدیاتی انتخابات میں بھر پور حصہ لے گی، یوسف شاہوانی
بلوچستان کے ذمہ داران و کارکنان بلدیاتی انتخابات کی تیاریاں شروع کردیں اور گھر گھر جا کر عوام سے رابطہ کریں
متحدہ قومی موومنٹ ملک بھرکے غریب و متوسط طبقے سے تعلق رکھنے والے افراد کی واحد نظریاتی جماعت ہے
بلوچستان کے تمام مکاتب فکر سے تعلق رکھنے والے عوام اور تمام شعبہ ہائے زندگی سے تعلق رکھنے والے افراد آگے آئیں
ملک و قوم کی تقدیر بدلنے کیلئے بلدیاتی الیکشن میں ایم کیوایم کے نامزد حق پرست امیدواران کو بھرپور انداز میں ووٹ دیکر کامیاب بنائیں
یوسف شاہوانی کی کوئٹہ پریس کلب میں پرہجوم پریس کانفرنس سے خطاب میں بلوچستان کے غیور عوام سے اپیل
کوئٹہ:۔۔۔5، نومبر2013ء
متحدہ قومی موومنٹ کی رابطہ کمیٹی کے رکن وحق پرست رکن سندھ اسمبلی محمدیوسف شاہوانی نے کہاہے کہ متحدہ قومی موومنٹ نظریاتی تحریک ہے جوخدمت برائے سیاست پریقین رکھتی ہے اورملک بھرکی طرح بلوچستان سے بھی بلدیاتی انتخابات میں بھرپورحصہ لے گی۔ ایم کیوایم بلوچستان کے ذمہ داران وکارکنان پورے زوروشورسے بلدیاتی انتخابات کی تیاریاں شروع کردیں اور گھر گھر جاکرعوام سے رابطہ کریں۔ ان خیالات کا اظہار انہوں نے ایم کیوایم کی صوبائی تنظیمی کمیٹی بلوچستان کے انچارج عبدالخالق بلوچ، سینٹرل ایگزیکٹو کونسل کے رکن سیدسلیم اختر ایڈووکیٹ، کوئٹہ زون کے انچارج پیر جان سمالانی، جوائنٹ انچارج کوئٹہ زون ارباب عبدالغنی کانسی، ارکان محمد نعیم یوسفزئی اور میر جہانگیر شاہوانی کے ہمراہ کوئٹہ پریس کلب میں پرہجوم پریس کانفرنس سے خطاب کے دوران کیا۔ محمد یوسف شاہوانی نے کہاکہ بلوچستان میں بلدیاتی انتخابات کا اعلان کردیا گیا ہے اور یہ انتخابات جماعتی بنیادوں پر ہورہے ہیں۔ انہوں نے کہا کہ متحدہ قومی موومنٹ ملک کے دیگرصوبوں کی طرح صوبہ بلوچستان میں بھی بلدیاتی انتخابات میں بھرپورحصہ لے گی،اس سلسلے میں تمام ذمہ داران وکارکنان کوہدایت جاری کردی گئی ہیں اور بلدیاتی انتخابات میں حصہ لینے والے خواہشمندامیدواران نے پہلے ہی تمام تیاریاں مکمل کرکے عوام کے ساتھ رابطے میں ہیں۔انہوں نے مزید کہا کہ ایم کیوایم کی تاریخ قربانیوں سے بھری پڑی ہے حق پرستی کے راستے پرچلتے ہوئے تحریکی نوجوانوں نے اپنی جانوں کابارہانذرانہ پیش کرکے حق پرستی شمو کوروش رکھاہے اورثابت کیاہے کہ ایم کیوایم کے قائدالطاف حسین کے فلسفہ ،حقیقت پسندی وعملیت پسندی پرعمل پیراہیں۔انہوں نے کہا کہ متحدہ قومی موومنٹ ملک بھر کے غریب ومتوسط طبقے سے تعلق رکھنے والے افرادکی واحدنظریاتی جماعت ہے جو خدمت برائے سیاست پر یقین رکھتی ہے اورملک سے فرسودہ جاگیردارانہ نظام کامکمل خاتمہ چاہتی ہے۔ملک میں جہاں کہیں بھی زلزلہ،سیلاب،طوفانی بارشیں،خشک سالی یاکوئی اورآفت ہوایم کیوایم اورخدمت خلق فاؤنڈیشن کی عملی خدمات پیش پیش رہی ہیں۔انہوں نے مزید کہاکہ گزشتہ دنوں بلوچستان کے علاقے آواران اس کی جیتی جاگتی مثال ہے جہاں آنیوالے شدیدزلزلے میں ایم کیو ایم نے اپنی بساط سے بڑھ کربلاامتیازرنگ ونسل ومسلک اور زبان متاثرین کی خدمت کی اورمحبتوں اورعقیدتوں کی نئی تاریخ رقم کی۔ نامناسب حالت اودشوارگزاروناہموارراستوں کے باوجودایم کیوایم کے کارکنان اور خدمت خلق فاؤنڈیشن کے رضاکاروں نے خود جاکر آواران کے متاثرین کوادویات ،خشک اجناس،خیمے،کمبل اور دیگرضروری اشیاء تقسیم کیں۔انہوں نے بلوچستان بھرکے تمام مکاتب فکرسے تعلق رکھنے والے عوام،سماجی کارکنوں،طالب علموں اورتمام شعبہ ہائے زندگی سے تعلق رکھنے والے افراد کو دعوت دی کہ وہ آگے آئیں اورانسانیت کی خدمت کیلئے قائد تحریک جناب الطاف حسین کی سربراہی میں حق پرستی کاراستہ اپنائیں، ملک وقوم کی بے لوث خدمت اورتقدیربدلنے کرنے کیلئے عوام میں ووٹ کی طاقت کواجاگرکرنے میں اپناکردار ادا کریں۔یوسف شاہوانی نے بلوچستان کے غیور عوام سے اپیل کی کہ وہ ملک وقوم کی تقدیر بدلنے کیلئے بلدیاتی الیکشن میں ایم کیوایم کے نامزدحق پرست امیدواران کو بھرپور انداز میں ووٹ دیکر کامیاب بنائیں۔

12/10/2016 4:45:13 AM