کیا اربوں روپے ناجائز طریقے سے حاصل کرکے بیرون ملک جائیدادیں
بنانے والے کسی کرپٹ جنرل کوکسی بھی عدالت سے سزاہوئی؟الطاف حسین
کیا نیب نے کرپشن ثابت ہونے کے بعد کسی بھی کرپٹ جرنیل کوگرفتار کیا؟
پاکستان کی 74سالہ تاریخ میں فوج نے کسی دشمن ملک سے محاذآرائی یاباقاعدہ جنگ کرکے دشمن کے کسی علاقہ پر قبضہ کیا جوآج تک جاری ہو؟
کیا پاکستانی جرنیلوںنے کشمیر کوبھارت میں ضم کئے جانے پر شوق شہادت
کے جذبہ سے سرشار ہوکر بھارت پر چڑھائی کی ؟الطاف حسین
فوج کے کردار کے بارے میں ایم کیوایم کے قائدالطاف حسین کے چبھتے ہوئے سوالات
لندن … 6 مئی 2021ئ
ایم کیوایم کے بانی وقائدجناب الطاف حسین نے سوال کیاہے کہ کیا اربوں روپے ناجائز یعنی حرام طریقے سے حاصل کرکے بیرون ملک جائیدادیں بنانے والے کسی کرپٹ جنرل یا فوجی جرنیل کوکسی بھی سویلین یافوجی عدالت سے سزاہوئی؟انہوں نے یہ سوال جمعرات کواپنے ٹیوٹ پر پول کے ذریعے فوج کے جرنیلوں کے بارے میں اٹھائے گئے سوالات میں کیاہے۔اپنے پول میں انہوں نے فوج کی پالیسیوں اور اس کے اقدامات کے بارے میں چند تلخ اورچبھتے ہوئے سوالات اٹھائے ہیں۔ جناب الطاف حسین کے سوالات اس طرح ہیں۔
(1) فوج کے جرنیل بارباریہ کہتے رہے ہیںکہ پاکستان کے بہت سے ممالک دشمن ہیں توآج تک کسی جنرل یالیفٹنٹ جنرل(5 Star or 4th Star General) نے پاکستان کی 74سالہ تاریخ میں فوج کے
بقول کسی دشمن ملک سے محاذآرائی یاباقاعدہ جنگ کرکے دشمن کے کسی علاقہ پر قبضہ کیا جوآج تک جاری ہو؟
( 2 ) کشمیر کے متنازعہ مسئلہ پر وزیراعظم بھارت نریندرمودی کی جانب سے آئین کی شق 370 کوختم کرکے بھارت کے جغرافیہ میں ضم (Annex)کر لیا ہے تو کیا اس کے جواب میں اللہ اکبر کے نعرے لگوانے والے پاکستانی جرنیلوں ، کورکمانڈروں اوربشمول جنرل آرمی چیف جنرل قمرباجوہ نے شوق شہادت کے جذبہ سے سرشار ہوکر بھارت میں ضم (Annex) کیا جانے والا علاقہ واپس اس کے پرانے مقام پرلانے کے لئے کیا بھارت پر چڑھائی کرکے جامِ شہادت نوش کیا؟
(3) کیا پوری جمہوری دنیا میں نظام انصاف کے دو طریقے رائج ہیں ۔ ایک طریقہ سویلین کے لئے اور دوسرا طریقہ فوج کے لئے ؟
(4) کیاکسی کرپٹ جنرل جس نے اربوں روپے ناجائز یعنی حرام طریقے سے حاصل کرکے بیرون ملک جزائر اورکھانے پینے کی پاپا جونز کی برانچیں کھولیں توکیا ایسا کرنے والے کسی فوجی جرنیل کوکسی بھی سویلین یافوجی عدالت سے سزاہوئی؟
(5) کیا نیب (NAB) نے کسی فوجی جرنیل کو کرپشن ثابت ہونے کے بعد اس کرپٹ جرنیل کوگرفتار کیا؟
٭٭٭٭٭