Altaf Hussain  English News  Urdu News  Sindhi News  Photo Gallery
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

رب العالمین کالاکھ لاکھ شکراداکرتاہوں کہ اس نے مجھے بیماری سے شفا عطاکرکے نئی زندگی بخشی۔الطا ف حسین


   رب العالمین کالاکھ لاکھ شکراداکرتاہوں کہ اس نے مجھے بیماری سے شفا عطاکرکے نئی زندگی بخشی۔الطا ف حسین
 Posted on: 2/12/2021

  رب العالمین کالاکھ لاکھ شکراداکرتاہوں کہ اس نے مجھے بیماری سے شفا
عطاکرکے نئی زندگی بخشی۔الطا ف حسین
 اللہ تعالیٰ تمام انسانیت کوکورونا کی وبا سے محفوظ رکھے ، کورونامیں مبتلاتمام انسانوں کوشفاعطافرمائے
 دنیابھر میں جہاں جہاں کارکنوں، بزرگوں، ماؤں ، بہنوں اور معصوم بچوں نے میری صحتیابی کیلئے دعائیں کیںاللہ تعالیٰ ان سب کو اس کا اجرعظیم عطاکرے۔الطاف حسین
 اللہ تعالیٰ شہیدوں کی قربانیوں کوقبول فرمائے، تحریکی مشن و مقصد میںکامیابی عطا کرے
 کارکنان وعوام میری صحتیابی اوربخیریت گھرواپسی پر اللہ تعالیٰ کے حضور دورکعت نفل شکرانہ اداکریں
وہ تمام لوگ جو غیرمسلم ہیں وہ اپنے اپنے مذہبی عقائد کے مطابق شکرانہ اداکریں۔ الطاف حسین
 اسپتال سے ڈسچارج ہونے کے بعد اپنی رہائش گاہ پر رابطہ کمیٹی ، یوکے یونٹ کے ذمہ داروںسے گفتگو

لندن  …  12  فروری 2021ئ
ایم کیوایم کے بانی وقائدجناب الطاف حسین نے کہاہے کہ میں اللہ تعالیٰ سے دعاگوہوںکہ وہ تمام انسانیت کوکورونا کی وبا سے محفوظ رکھے اوراس وائرس سے متاثرہ تمام انسانوں کوصحت عطافرمائے۔وہ آج ایک ماہ بعدلندن کے بارنیٹ اسپتال سے ڈسچارج ہونے کے بعدمل ہل کے علاقے میں واقع اپنی رہائش گاہ پر اراکین رابطہ کمیٹی ، یوکے یونٹ کے ذمہ داروںسے گفتگو کررہے تھے ۔ جناب الطاف حسین نے کہاکہ میں سب سے پہلے رب العالمین کالاکھ لاکھ شکراداکرتاہوں کہ اس نے نبی آخرالزماں حضرت محمدمصطفےٰ ۖ، خلفائے راشدین، صحابہ کرام، اولیائے کرام اور بزرگان دین کے صدقے مجھے اس بیماری سے شفاعطاکرکے نئی زندگی بخشی۔میں شفایابی پر اللہ کاجتنابھی شکر اداکروں کم ہے ۔ جناب الطاف حسین نے کہاکہ میں رابطہ کمیٹی، تحریک کے تمام ذمہ داروں اورپاکستان سمیت دنیابھر میں جہاں جہاں تحریکی کارکنوں، بزرگوں،میری ماؤں ، بہنوں اورمعصوم معصوم بچوںاوربچیوں نے میری صحتیابی کے لئے جس طرح دعائیں کیں،اللہ ان کوبھی صحت وتندرستی اورلمبی زندگی عطافرمائے ، وہ تمام لوگ جنہیں میں نہیں جانتا،جنہوںنے میری صحتیابی کے لئے دعائیں کیں،اللہ تعالیٰ ان سب کو اس کا اجرعظیم عطاکرے اوران سب کوبھی ہر طرح کی بیماری اورپریشانی سے محفوظ رکھے۔جناب الطاف حسین نے کہا کہ ہمارے خلاف 1992ء سے آپریشن شروع ہواجو آج تک جاری ہے ، اس آپریشن کے دوران ہمارے ہزاروں ساتھی شہید کردیے گئے اللہ تعالیٰ ان تمام شہیدوں کی قربانیوں کوقبول فرمائے، جس مقصد کے لئے انہوں نے اپنی جانوں کی قربانیاں دیں،اس مقصد میںکامیابی عطا کرے اورشہیدوںکی قربانیوں کے صدقے ہمارے مقصد کی کامیابی کاکوئی بہتر حل نکال دے، اللہ تعالیٰ اپنی قدرت سے لاپتہ ساتھیوں کی بازیابی اور جیلوںاورسرکاری قیدخانوں میں قید اسیرساتھیوں کی رہائی کا غیب سے بندوبست کرے۔ جناب الطاف حسین نے کہاکہ اللہ تعالیٰ بہترجانتاہے کہ میںنے ذاتی طورپرکبھی بھی کسی سے جھگڑافساد نہیں چاہا، خواہ وہ مذہب ہو، فرقہ ہو، لسانیت ہو یاکوئی بھی بنیاد ہو، میں نے صرف اپناحق مانگا، اسی مقصد کیلئے جدوجہد کی اورآج تک جدوجہد کررہے ہیں، میری دعاہے کہ اللہ تعالیٰ ہماری غیب سے مدد فرمائے،جانے انجانے میں جوخطائیں ہوگئیں، اللہ تعالیٰ انہیں معاف فرمائے، ہماری جدوجہدکوکامیابی عطافرمائے اورمحروم ومظلوم لوگوںکے حقوق کے حصول کے لئے کوئی راستہ بنادے ۔ جناب الطاف حسین نے رابطہ کمیٹی اورپاکستان سمیت تمام اوورسیزیونٹو ںکے ذمہ داروںاورکارکنوںکیلئے بھی دعائیں کیں۔انہوں نے تمام کارکنوں،ماؤںبہنوں، بزرگوں اورتمام ہمدردوں سے کہاکہ آپ میری صحتیابی اوربخیریت گھرواپسی پر اللہ تعالیٰ کے حضور دورکعت نفل شکرانہ اداکریںاوروہ تمام لوگ جو غیرمسلم ہیں وہ اپنے اپنے مذہبی عقائد کے مطابق شکرانہ ادا کریں ۔ جناب الطاف حسین نے دعاکی کہ اللہ تعالیٰ پوری انسانیت کوکوروناکی وباء سے محفوظ رکھے اوردنیا بھر میںجولوگ بھی اس وائرس سے متاثر ہیں اللہ ان کوبھی شفا عطاکرے۔ انہوں نے تمام لوگوںسے اپیل کی کہ وہ کورونا کی وباء سے محفوظ رہنے کے لئے سخت احتیاط کریں، ماسک پہنیں اورسماجی فاصلہ برقرار رکھیں۔ 

٭٭٭٭٭



5/9/2021 8:26:24 AM