کینیڈا کے شہرٹورنٹومیں بلوچ اسٹوڈینٹس آرگنائزیشن کی سابق چیئرپرسن کریمہ مہراب بلوچ کے بہیمانہ قتل کی شدیدمذمت کرتے ہیں۔ الطاف حسین
کریمہ بلوچ کل بروز اتوار سے غائب تھیں اور آج ان کی لاش ملی ہے
کریمہ بلوچ کا بہیمانہ قتل بلوچوں کی آزادی کی جدوجہد کوکچلنے کی ظالمانہ کارروائیوں کاحصہ ہے جس کادائرہ اب بیرون ممالک تک پھیل گیاہے۔الطاف حسین
کریمہ مہراب بلوچ کے اغوااوربہیمانہ قتل کی اعلیٰ سطحی تحقیقات کرائی جائے اورقاتلوںکو فی الفور گرفتارکیاجائے ۔ کینیڈاکی حکومت سے قائدتحریک الطاف حسین کی اپیل
کریمہ بلوچ شہید کے اہل خانہ اور تمام بلوچ حریت پسندوں کے غم میں برابرکاشریک ہوں۔ الطاف حسین

لندن … 21 دسمبر 2020ء
متحدہ قومی موومنٹ کے قائدجناب الطاف حسین نے کینیڈا کے شہرٹورنٹومیںبلوچ اسٹوڈینٹس آرگنائزیشن کی سابق چیئرپرسن اور بلوچ حقوق کی سرگرم کارکن کریمہ مہراب بلوچ کے بہیمانہ قتل کی شدیدالفاظ میں مذمت کی ہے ۔ اپنے بیان میں انہوں نے کہاکہ پولیس کے جاری کردہ بیان کے مطابق کریمہ بلوچ کل بروز اتوار کی سہ پہر 3بجے سے غائب تھیں اورپولیس ان کی گمشدگی کی رپورٹ پر ان کو تلاش کررہی تھی کہ آج ان کی لاش ملی ہے جس کی تصدیق ان کے اہل خانہ نے بھی کی ہے۔ جناب الطاف حسین نے کریمہ بلوچ کے بہیمانہ قتل کی شدیدالفاظ میںمذمت کرتے ہوئے کہاکہ یہ قتل بلوچوں کی آزادی کی جدوجہد کوکچلنے کے لئے کی جانے والی ظالمانہ کارروائیوں کاحصہ ہے جس کادائرہ اب پاکستان سے باہرنکل کر بیرون ممالک تک پھیل گیاہے۔اسی طرح اسی سال مارچ کے مہینے میں سوئیڈن میں بھی ایک بلوچ صحافی ساجد حسن کوبھی اغواکرکے قتل کردیا گیا تھا ۔ ان کی بھی تشددزدہ لاش وہاں ایک دریا کے کنارے سے پائی گئی تھی اورآج ایک بلوچ بیٹی کریمہ مہراب بلوچ کواغواکرکے قتل کردیاگیاہے جس کی جتنی بھی مذمت کی جائے کم ہے۔ جناب الطاف حسین نے کینیڈا کی حکومت سے اپیل کی کہ کریمہ مہراب بلوچ کے اغوااوربہیمانہ قتل کی اعلیٰ سطحی تحقیقات کرائی جائے اورقاتلوںکو فی الفور گرفتارکیاجائے ۔ جناب الطاف حسین نے کریمہ مہراب بلوچ کے بہیمانہ قتل پر شہید کے اہل خانہ اوربلوچ حقوق کے لئے جہدوجہد کرنے والے تمام حریت پسندوں سے دلی تعزیت اورہمدردی کااظہارکرتے ہوئے کہاکہ اس سانحہ پر میں اورایم کیوایم کے تمام کارکنان آپ کے غم میں برابرکے شریک ہیں۔ انہوں نے دعاکی کہ اللہ تعالیٰ کریمہ بلوچ شہید کے درجات بلند کرے ، انہیں جنت الفردوس میں جگہ دے اوران کے قاتلوں پر اللہ کاعذاب ناز ل کرے۔

12/6/2025 1:33:21 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025