ایم کیو ایم کینیڈاقائدتحریک الطاف حسین کے ہراول دستہ کی حیثیت سے 14 اگست کویوم سیاہ کے طور پر منائے گی ۔ اراکین سینٹرل آرگنائزنگ کمیٹی

ٹورانٹو … 13اگست 2020

ایم کیو ایم کینیڈا کے ذمہ داران کا اجلاس سینٹرل آرگنائزر شاہد رضا کی صدارت میں منعقد ہوا جس میں سینٹرل آرگنائزنگ کمیٹی کے اراکین کے علاوہ چیپٹرز کے ذمہ داران نے بھی شرکت کی۔ اجلاس کے شرکا نے بابائے مہاجر قوم و قائدِ سندھ الطاف حسین کے 14 اگست کو یومِ سیاہ کے طور پر منانے کے فیصلے پر اپنے اس عزم کا اعادہ کیا کہ ایم کیوایم کینیڈا قائدِ تحریک الطاف حسین بھائی کے ہر فیصلے کی طرح اس فیصلے پر بھی لبیک کہتے ہوئے 14 اگست کو بھرپور طریقے سے یومِ سیاہ کے طور پر منائے گی ۔اس موقع پر شرکا سے گفتگو کرتے ہوئے شاہد رضا نے کہا کہ بابائے مہاجر قوم و قائدِ سندھ الطاف حسین کا یومِ سیاہ منانے کا یہ فیصلہ تاریخ میں سنگ میل کی حیثیت سے گردانا جائے گا اور ہماری آنے والی نسلوں کو اس بات پر فخر ہوگا کہ ان کے اجداد اس موقع پر قائدِ تحریک الطاف حسین کے قافلے کا حصہ تھے ۔

تمام چیپٹرز میں 14 اگست کو یومِ سیاہ کے طورپرمنانے اورریلیاں نکالنے کے حوالے سے کمیٹیاں تشکیل دے دی گئی ہیں ۔ اس موقع پرایم کیوایم کینیڈاکے ذمہ داران و کارکنان نے اس عزم کا اظہار کیا کہ حالات چاہے جیسے بھی ہوں ،کسی بھی طرح ہمارے حوصلے پست نہیں کرسکتے اور وہ دن دور نہیں جب قائدِ تحریک الطاف حسین کی سربراہی میں ہم اپناآزادی حاصل کریں گیااورظلم کرنے والوںکوایک ایک ظلم کاحساب دیناہوگا۔اجلاس کے اختتام پر قائدِ تحریک الطاف حسین کی صحت، تندرستی  و درازی عمر ، تحریک کی کامیابی ، شہدا کے درجات کی بلندی ، لاپتہ ساتھیوں کی بازیابی ، اسیروں کی رہائی اور یومِ سیاہ کی کامیابی کیلئے خصوصی دعائیں کی گئیں۔

٭٭٭٭٭