بانی وقائد جناب الطاف حسین کی جدوجہد وہ مثالی جدوجہد ہے جس سے استحصالی طبقہ آج بھی خوف زدہ ہے،کامران قادری

سڈنی ۔۔31مارچ2019ء

ایم کیوایم آسٹریلیاں کے زیر اہتمام متحدہ قومی موومنٹ کا 35واںیوم تاسیس منایاگیا اس سلسلے میں سڈنی یونٹ میں اجتماع منعقد کیا گیا، اجتما ع میں آسٹریلیاں کی ایڈہاک کمیٹی ذمہ داران و کارکنان اور آسٹریلیامیں مقیم پاکستانیوں نے شرکت کی ،اجتما ع سے خطاب کرتے ہوے ایڈہاک کمیٹی کے انچارج کامران قادری اور رکن ایڈہاک کمیٹی حسان بٹ نے کہا کہ قائد تحریک جناب الطاف حسین کی جدوجہد وہ مثالی جدوجہد ہے جس سے استحصالی طبقہ آج بھی خوف زدہ ہے ،تحریک نے اپنے جنم کے دن سے آج تک انتہائی مشکل حالات کا سامنا کیا لیکن کبھی تحریک کے نظریہ اور فلسفے سے ایک انچ کا سمجھوتہ نہیں کیا اور یہ سفر صرف قائد تحریک الطاف حسین بھائی کی رہنمائی کی بدولت ہی ممکن ہوسکا ہے۔ انہوں نے غدارانِ مہاجر قوم کو مخاطب کرتے ہوے کہا کہ یہ غدار چاہے کتنی ہی سازشیں کر لیں فتح انشااللہ حق اور سچ کی ہوگی۔ آج یہ غدار جس پنجابی فوج کے زرخرید غلام بنے ہوے ہیں انکا اور پنجابی اسٹبلیشمنٹ کا انجام انتہائی بھیانک ہونے والا ہے اور وہ وقت دور نہیں جب قائد تحریک جناب الطاف حسین بھائی کے پروانے اپنے محبوب قائد کی محبّت میں سرشار اپنے اپنے علاقوں میں واپس جائیں گے اور وقت آنے پر قوم کے غداروں سے ہر اس ظلم کا حساب لیں گے جو انہوں نے مہاجر قوم پر ڈھایا ہے۔ اختتام پر سانحہ نیوزی لینڈ میں شہید ہونے والوں کے لئے خصوصی دعا بھی گئی۔

*****