Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ڈی آئی خان کی تحصیل کولاچی میں صوبائی وزیر قانون اسرارگنڈا پور کے گھر خود کش بم دھماکہ پر الطاف حسین کااظہار مذمت


 Posted on: 10/16/2013
ڈی آئی خان کی تحصیل کولاچی میں صوبائی وزیر قانون اسرارگنڈا پور کے گھر خود کش بم دھماکہ پر الطاف حسین کااظہار مذمت
عید الاضحی کے دن دہشت گردوں کی جانب سے خود کش بم دھماکہ کی کارروائی کرکے بے گناہ افراد کو خاک وخون میں نہلانے 
کی جتنی مذمت کی جائے کم ہے ، الطاف حسین 
خود کش بم دھماکے میں متعدد افراد کی شہادت ، اسرار گنڈاپور، ان کے بھائی اوردرجنوں افراد کے شدید زخمی ہونے پر الطاف حسین کااظہار افسوس 
دہشت گردوں کو فی الفور گرفتار کیاجائے اور قرار واقعی سزا دی جائے ، الطاف حسین 
لندن۔۔۔16، اکتوبر2013ء 
متحدہ قومی موومنٹ کے قائد جناب الطاف حسین نے ڈی آئی خان کی تحصیل کولاچی میں صوبائی وزیر قانون اسرار گنڈا پور پر خود کش حملے کی سخت ترین الفاظ میں مذمت کی ہے اور خود کش حملے کے نتیجے میں متعدد افراد کی شہادت اور صوبائی وزیر قانون اسرار گنڈا پور ، ان کے بھائی اور درجنوں افراد کے شدید زخمی ہونے پر گہرے دکھ اور افسوس کااظہار کیا ہے ۔ ایک بیان میں انہوں نے کہا کہ عید الاضحی کے دن پاکستان سمیت دنیا بھر میں مسلمان سنت ابراہیمی ؑ کی ادائیگی میں مصروف ہیں اور اس دن ڈی آئی جی خان کی تحصیل کولاچی میں دہشت گردوں کی جانب سے خود کش بم دھماکہ کرکے بے گناہ افراد کو خاک و خون میں نہلانے کی جتنی بھی مذمت کی جائے کم ہے ۔انہوں نے کہاکہ عید الاضحی کے موقع پر صوبائی وزیر قانون اسرار گنڈا پور لوگوں سے عید مل رہے تھے اور خوشیاں بانٹ رہے تھے اور ایسے موقع پر خود کش بم دھماکہ کی کاروائی میں ملوث دہشت گرد کسی قسم کی رعایت کے لائق نہیں اور قانون کی سخت گرفت کے مستحق ہیں۔ انہوں نے خود کش بم دھماکے میں شہید ہونے والے تمام افراد کے سوگوار لواحقین سے دلی تعزیت وہمدردی کااظہا رکیا اور شہداء کے بلند درجات ، لواحقین کیلئے صبر جمیل اور بم دھماکے میں شدید زخمی ہونے والے صوبائی وزیر قانون اسرار گنڈا پور سمیت دیگر زخمیوں کی جلد ومکمل صحت یابی کیلئے خصوصی دعا بھی کی ۔ جناب الطاف حسین نے وزیراعظم نواز شریف اور وفاقی وزیر داخلہ چوہدری نثار علی خان سے مطالبہ کیا کہ ڈی آئی خان کی تحصیل کولاچی میں خود کش بم دھماکے میں ملوث دہشت گردوں کو فی الفور گرفتار کیاجائے اور انہیں قرار واقعی سزا دی جائے ۔ 



12/6/2016 12:02:40 PM