سیدعلی رضاعابدی شہید کوخراج عقیدت پیش کرنے کیلئے ایم کیوایم کے زیراہتمام کل بروز اتوار لندن میں
’’ ٹریفلگر اسکوائر ( Trafalgar Square) پر شمعیں روشن کی جائیں گی
خراج عقیدت پیش کرنے کی تعزیتی تقریب لندن کے مقامی وقت کے مطابق سہ پہر تین بجے ہوگی
تمام ترقی پسند، روشن خیال ، اعتدال پسند حضرات اورتمام مکاتب فکرسے تعلق رکھنے والے افرادسے رابطہ کمیٹی کی شرکت کی اپیل
لندن ۔۔۔ 5جنوری 2019ء
ایم کیوایم کے سابق رکن قومی اسمبلی،نوجوان رہنما سیدعلی رضاعابدی شہید کوخراج عقیدت پیش کرنے کیلئے ایم کیوایم کے زیراہتمام کل بروز اتوار لندن میں تاریخی مقام ’’ ٹریفلگر اسکوائر ( Trafalgar Square) پر شمعیں روشن کرنے کی تعزیتی تقریب منعقد کی جائیں گی۔ اس سلسلے میں ایم کیوایم کی جانب سے تیاریاں جاری ہیں۔ علی رضا عابدی شہید کوخراج عقیدت پیش کرنے کی یہ تعزیتی تقریب لندن کے مقامی وقت کے مطابق سہ پہر تین بجے ہوگی جوشام 5بجیتک جاری رہے گی ۔ اس سلسلے میں مقامی انتظامیہ سے اجازت حاصل کرلی گئی ہے۔یوکے یونٹ کے کارکنان تعزیتی تقریب کے انعقاد کے سلسلے میں انتظامات میں مصروف ہیں ۔تقریب میں تمام مکاتب فکرسے تعلق رکھنے والے افرادکومدعوکیاگیاہے۔
ایم کیوایم کی رابطہ کمیٹی نے ایم کیوایم کے کارکنوں سمیت تمام ترقی پسند، روشن خیال ، اعتدال پسند حضرات اورتمام مکاتب فکرسے تعلق رکھنے والے افرادسے اپیل کی ہے کہ وہ سید علی رضاعابدی شہید کوخراج عقیدت پیش کرنے کیلئے شمعیں روشن کرنے کی اس تقریب میں زیادہ سے زیادہ تعداد میں شرکت کریں۔
*****