سیدعلی رضاعابدی شہید کوخراج عقیدت پیش کرنے کیلئے ایم کیوایم امریکہ ہیوسٹن چیپٹر کی جانب سے شمعیں روشن کی گئیں

ہیوسٹن ۔۔۔ 2 جنوری 2019ء

ایم کیوایم کے سابق رکن قومی اسمبلی،نوجوان رہنما سیدعلی رضاعابدی شہید کوخراج عقیدت پیش کرنے کے لئے ایم کیوایم امریکہ ہیوسٹن چیپٹر کی جانب سے شمعیں روشن کی گئیں۔ خراج عقیدت پیش کرنے کی یہ تعزیتی تقریب ہیوسٹن ٹیکساس کے علاقے ہل کرافٹ میں منعقد کی گئی ۔تعزیتی تقریب میں ایم کیوایم ہیوسٹن چیپٹر کے کارکنوں، ہمدرد نوجوانوں، خواتین ، بزرگوں اوربچوں نے شرکت کی ۔ شرکاء نے سیدعلی رضاعابدی شہید کی یاد میں شمعیں جلاکرشہیدکوخراج عقیدت پیش کیا ۔ اس موقع پر شرکاء نے سید علی رضاعابدی شہید کے بہیمانہ قتل کی شدیدمذمت کی اورکہاکہ سید علی رضاعابدی شہید مہاجروں پر ڈھائے جانے والے ریاستی مظالم اورانسانی حقوق کی خلاف ورذیوں پر صدائے احتجاج بلندکررہے تھے ، وہ ریاستی اداروں کی تمام تردھمکیوں کے باوجود قائدتحریک الطاف حسین کی بھی کھل کر حمایت کررہے تھے اورریاستی اداروں کی پالیسیوں پر بھی کھل کرتنقیدکررہے تھے ، انہیں اسی حق پرستی کی سزادی گئی اوروحشیانہ فائرنگ کرکے شہید کردیا ۔شرکاء نے حکومت سے مطالبہ کیاکہ سید علی رضاعابدی شہید کے قتل کی اعلیٰ سطحی تحقیقات کرائی جائے اوراصل قاتلوں کوگرفتارکیاجائے ۔ 

*****