ایم کیوایم نے نظم وضبط کی خلاف ورزی پر واٹربورڈ یونٹ کے محمد وسیم اور عظمت کو غیرمعینہ مدت کیلئے معطل کردیا قائد تحریک الطاف حسین نے رابطہ کمیٹی کے فیصلے کی توثیق کردی ہے

متحدہ قومی موومنٹ کی رابطہ کمیٹی نے تنظیمی نظم وضبط کی خلاف ورزی پر ایم کیوایم لیبر ڈویژن کراچی واٹر اینڈ سیوریج بورڈ یونٹ کے سابق جوائنٹ انچارج محمد وسیم اور یونٹ کمیٹی کے سابق رکن عظمت کو غیرمعینہ مدت کیلئے معطل کردیا ہے ۔ایم کیوایم کے بانی وقائد جناب الطاف حسین نے رابطہ کمیٹی کے اس فیصلے کی توثیق کردی ہے ۔ایک بیان میں رابطہ کمیٹی نے کہاکہ مذکورہ افراد باربار تنبیہ اور واضح طورپر منع کرنے کے باوجود لندن سیکریٹریٹ کا نام استعمال کرکے واٹربورڈ کی مختلف مزدوریونینوں سے رابطے کرتے رہے اور ان کے اجلاسوں میں شرکت کرتے رہے جوکہ تنظیمی نظم وضبط کی خلاف ورزی کے زمرے میں آتا ہے ۔ رابطہ کمیٹی نے واٹربورڈ یونٹ کے تمام وفاپرست محنت کشوں پرزوردیا کہ وہ معطل کیے گئے مذکورہ افراد سے کسی قسم کا رابطہ نہ رکھیں اور تنظیمی نظم وضبط کی سختی سے پابندی کریں۔

*****