Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیو ایم آسٹریلیا میلبرن یونٹ نے قائد تحریک الطاف حسین کی 65ویں سالگرہ جوش و خروش سے منائی


ایم کیو ایم آسٹریلیا میلبرن یونٹ نے قائد تحریک الطاف حسین کی 65ویں سالگرہ جوش و خروش سے منائی
 Posted on: 10/6/2018
ایم کیو ایم آسٹریلیا میلبرن یونٹ نے قائد تحریک الطاف حسین کی 65ویں سالگرہ جوش و خروش سے منائی
ایم کیوایم کے ذمہ داران اور کارکنان نے الطاف حسین کی سالگرہ کا کیک کاٹاگیا
کارکنان نے فلک شگاف نعرے لگاکرقائد تحریک الطاف حسین سے اپنی والہانہ عقیدت ومحبت کااظہارکیا
پنڈال میں وقفے وقفے سے سالگرہ کے گیت اور ایم کیوایم کے ترانے بھی بجائے گئے
آزمائش کے مراحل وفاپرست مہاجرقوم کے حوصلے پست نہیں کرسکتے، اراکین ایڈہاک کمیٹی
مہاجرعوام کے دل آج بھی جناب الطاف حسین کے ساتھ دھڑکتے ہیں، اراکین ایڈہاک کمیٹی

ایم کیو ایم آسٹریلیا میلبرن یونٹ کے زیر اہتمام متحدہ قومی موومنٹ کے بانی و قائد تحریک جناب الطاف حسین کا 65 واں یوم پیدائش انتہائی جوش و خروش سے منایا گیا۔سالگرہ کی تقریب ایک پنڈال میں منعقد کی گئی جس میں ایم کیوایم کے ذمہ داران ، کارکنان اور میلبرن میں مقیم بزرگوں، نوجوانوں، خواتین اور بچوں سمیت مہاجرہمدردوں نے بڑی تعداد نے شرکت کی ۔پنڈال کو جناب الطاف حسین کی تصاویر سے سجایاگیا تھا ۔جناب الطاف حسین کی سالگرہ کے موقع پرایم کیوایم میلبرن یونٹ کی جانب سے خوبصورت کیک تیارکیاگیا تھا۔اس موقع پرایم کیوایم کے ذمہ داران اور کارکنان نے جناب الطاف حسین کی سالگرہ کا کیک کاٹا اور جناب الطاف حسین کے حق میں فلک شگاف نعرے لگاکراپنی والہانہ عقیدت ومحبت کااظہارکیا۔ پنڈال میں وقفے وقفے سے سالگرہ کے گیت اور ایم کیوایم کے ترانے بھی بجائے گئے جس سے تقریب کے شرکاء میں جوش وخروش کی لہر دوڑ گئی۔ 
دریں اثناء ایم کیو ایم آسٹریلیا کی سینٹرل ایڈہاک کمیٹی کے ارکان عرفان احمد ، عارف زبیری، ثاقب رضوان اور خالد اجمیری نے جناب الطاف حسین کی سالگرہ کی دلی مبارکباد پیش کرتے ہوئے کہا کہ آزمائش کے مراحل وفاپرست مہاجرقوم کے حوصلے پست نہیں کرسکتے اور تمام تر ریاستی مظالم کے باوجود مہاجرقوم کے حقوق کی جدوجہد جاری رہے گی ۔انہوں نے کہاکہ جناب الطاف حسین کی تحریر، تقریر اور تصویرکو نشروشائع کرنے پر پابندی عائد کرکے حق پرستی کے پیغام کوپھیلنے سے روکا نہیں جاسکتااورانشاء اللہ حق پرستی کی یہ جدوجہد بہت جلد کامیابی سے ہمکنارہوگی۔ انہوں نے کہاکہ جناب الطاف حسین 70 ملین مہاجروں کے متفقہ قائد ہیں اور مہاجرعوام کے دل آج بھی جناب الطاف حسین کے ساتھ دھڑکتے ہیں۔ ماورائے عدالت قتل ، جبری گمشدگیوں ، گرفتاریوں اور ریاستی مظالم کے ذریعہ نہ تو قائد تحریک جناب الطاف حسین کے حوصلے پست کیے جاسکتے ہیں اورنہ ہی ان کے سچے نظریاتی کارکنان کو خوف زدہ کیاجاسکتا ہے ۔ انہوں نے کہاکہ پاکستانی فوج ، رینجرز اورپولیس جتنی چاہے سازشیں کرلے وفاپرست کارکنان وعوام جناب الطاف حسین کے ساتھ سیسہ پلائی ہوئی دیوار کی طرح کھڑے رہیں گے۔سالگرہ کی تقریب کے اختتام پر قائد تحریک جناب الطاف حسین کی درازی عمر، صحت و تندرستی، شہدائے حق بلنددرجات، لاپتہ ساتھیوں کی بازیابی ، اسیرکارکنان کی جلد رہائی اور ایم کیوایم کے خلاف سازشوں کے خاتمے کیلئے خصوصی دعائیں کی گئیں۔ 
*****
9/8/2026 11:10:49 PM