مسئلہ بلوچستان کے حوالے سے ایم کیوایم کے بانی وقائد جناب الطاف حسین کااگلالیکچر منگل 4 ستمبر کوہوگا

لندن ۔۔۔ یکم ستمبر 2018ء

مسئلہ بلوچستان کے حوالے سے ایم کیوایم کے بانی وقائداوربابائے مہاجرقوم قائدتحریک جناب الطاف حسین کااگلالیکچر منگل 4 ستمبر 2018ء کوہوگا ۔ جناب الطاف حسین نے آج بروزہفتہ بلوچ عوام سے انتہائی اہم خطاب کیا۔یہ خطاب سوشل میڈیاکے ذریعے براہ راست نشرکیاگیا۔ جناب الطاف حسین مسئلہ بلوچستان کی تاریخ ،اس کے پس منظراور اس کے تاریخی پہلوؤں کوبیان کررہے ہیں ۔ان کی تفصیلات بہت طویل ہیں جنہیں ایک نشست میں بیان کرناممکن نہیں ہے۔آج کے لیکچرمیں جناب الطاف حسین نے بلوچستان کی تاریخ اوربلوچستان کے پاکستان کے ساتھ الحاق کی تفصیلات تاریخی واقعات اور ثبوت وشواہد کی روشنی میں بیان کی ہیں۔اس سلسلے کااگلا لیکچر منگل 4 ستمر2018ء کوپاکستان وقت شام سات بجے سے 8بجے کے درمیان ہوگا۔ اپنے اگلے لیکچر میں وہ بلوچ قوم پر ہونے والے مظالم اوران کے ساتھ کی جانے والی ناانصافیوں اورزیادتیوں کی تاریخ پر تفصیل سے روشنی ڈالیں گے ۔ 

متحدہ قومی موومنٹ کی رابطہ کمیٹی نے کہاہے کہ قائدتحریک جناب الطا ف حسین کایہ فکرانگیزخطاب بلوچستان کی اصل تاریخ سے آگاہی کے لئے نہایت اہمیت کا حامل ہے ۔ رابطہ کمٹی نے بلوچوں ،مہاجروں اوردیگرقوموں سے تعلق رکھنے والے نوجوانوں بالخصوص طلبہ وطالبات، یوتھ اورmillennials سے گزارش کی ہے کہ وہ مسئلہ بلوچستان کے پس منظراورتاریخ سے آگاہ ہونے کے لئے قائدتحریک الطا ف حسین کے لیکچر کوخودبھی سنئے اوردیگرلوگوں خصوصاً یوتھ کوضرور شیئر کیجئے تاکہ وہ بھی بلوچستان کی تاریخ ،مسئلہ بلوچستان کے پس منظراورتاریخی حقائق سے آگاہ ہوسکیں۔