ممتازصحافی محترمہ ماوری سرمداور بلاگر احمد وقاص گورایہ کے اہل خانہ کوڈرانے دھمکانے اورہراساں کرنے کے واقعات قابل مذمت ہیں ۔ الطاف حسین

لندن ۔۔۔ 22 جون 2018ء

متحدہ قومی موومنٹ کے قائدجناب الطاف حسین نے ممتازصحافی محترمہ ماوری سرمدکے گھرپرپراسرارڈکیتی اورسرکاری اہلکاروں کی جانب سے بلاگر احمد وقاص گورایہ کے اہل خانہ کوڈرانے دھمکانے اورہراساں کرنے کے واقعہ کی شدیدمذمت کی ہے ۔ اپنے ایک بیان میں جناب الطاف حسین نے کہا کہ اب یہ یہ بات کسی سے ڈھکی چھپی نہیں رہی ہے کہ پاکستان میں سرکاری ایجنسیوں کی جانب سے جہاں ایک طرف اینٹی اسٹیبلشمنٹ سیاسی جماعتوں کے خلاف انتقامی کارروائیاں کی جارہی ہیں وہیں دوسری جانب الیکٹرانک اورپرنٹ میڈیابھی بے پناؤ دباؤڈالاجارہاہے،اسٹیبلشمنٹ کی پالیسیوں پر تنقید کرنے والے اینکرز، صحافیوں، تجزیہ نگاروں اوربلاگرزکوبھی طرح طرح سے انتقام کانشانہ بنایاجارہاہے، انہیں اغواکیاجارہاہے، تشددکانشانہ بنایاجارہاہے ، انہیں خاموش کرانے کیلئے انہیں اوران کے اہل خانہ کوکھلی کھلی دھمکیاں دی جارہی ہیں۔ کچھ عرصہ قبل بھی چندبلاگرزکوحراست میں لے کرکئی کئی ماہ تک لاپتہ رکھ کر انہیں تشددکانشانہ بنایاگیا اوراب اس طرح کے واقعات اورجبر وتشددکے ہتھکنڈوں میں بہت تیزی آگئی ہے ۔ جناب الطا ف حسین نے کہاکہ ممتاز صحافی ماوری سرمد کے گھرپرپراسرارڈکیتی کاواقعہ اوربلاگروقاص گورایہ کے اہل خانہ کودھمکیاں بھی اسی سلسلے کی کڑی ہیں جس کی جتنی بھی مذمت کی جائے کم ہے ۔ جناب الطاف حسین نے ماوری سرمد اوروقاص گورایہ اوران کے اہل خانہ سے دلی ہمدردی کااظہارکیااورمطالبہ کیاکہ اینکرز، صحافیوں او ربلاگرزکوہراساں کرنے اورڈرانے دھمکانے کاسلسلہ بند کیاجائے ۔ 

*****