ایم کیو ایم کے وفد کا ہارلے اسٹریٹ کلینک کا دورہ ، بیگم کلثوم نواز کی عیادت کی

لندن ۔۔۔ 20 جون 2018ء

ایم کیو ایم کے ایک وفد نے آج لندن میں ہارلے اسٹریٹ کلینک کا دورہ کیا اور سابق وزیراعظم میاں نوازشریف کی اہلیہ بیگم کلثوم نواز کی عیادت کی۔ ایم کیو ایم کے وفد نے اسپتال میں موجود مسلم لیگ ن کے مقامی رہنماؤں سے ملاقات کی اورانہیں ایم کیوایم کے قائد جناب الطاف حسین کی جانب سے گلدستہ اور دعاؤں کا پیغام دیااوربیگم کلثوم نوازکی صحتیابی اورجلدصحتیابی کی دعاکی۔مسلم لیگ ن کے رہنماؤں نے عیادت کیلئے آمد پر ایم کیوایم کے وفد کاشکریہ ادا کیا۔ وفدمیں ایم کیوایم کی مرکزی رابطہ کمیٹی کے ارکان مصطفےٰ عزیزآبادی، سفیان یوسف، ڈاکٹر سلیم دانش، ایم کیو ایم یوکے کے آرگنائزر ہاشم عظم اور مرکزی فائنانس سیکریٹری آصف سعید شامل تھے۔ اس موقع پر میڈیاسے گفتگوکرتے ہوئے مصطفےٰ عزیزآبادی نے کہاکہ ہم آج یہاں بانی وقائدتحریک الطاف حسین کی جانب سے بیگم کلثوم نواز کی عیادت کرنے آئے ہیں ، قائدتحریک نے بیگم کلثوم نوازکی صحتیابی اوردرازی عمر کی دعاکی ہے اوران کے لئے نیک خواہشات کاپیغام دیاہے ۔ انہوں نے کہاکہ ایم کیوایم کے کارکنان بیگم کلثوم نوازکی صحتیابی کے لئے دعاگوہیں اورہم پاکستان کے تمام عوام سے بھی کہتے ہیں کہ وہ بیگم کلثوم نوازکی صحتیابی کی دعاکریں۔